බණ්ඩාරවෙල – උඩපාර ප්රදේශයේදී අද (13) පස්වරුවේ වෑන් රථයක් මාර්ගයෙන් ඉවතට පැන අඩි 150ක පමණ ප්රපාතයකට පෙරලී ගොස් තිබෙනවා.
මෙම අනතුරෙන් වෑන් රථයේ ගමන් ගත් තරුණයන් 6 දෙනෙකු තුවාල ලබා බණ්ඩාරවෙල දිසා රෝහලට ඇතුළත් කළ බවයි වාර්තා වෙන්නේ.
වෑන් රථයේ තරුණයන් 8 දෙනෙකු ගමන් කර ඇති බවත්, ඉන් 6 දෙනෙකු මෙලෙස රෝහල් ගත කර ඇති බවත් සදහන් වනවා.
පොලීසිය පවසන්නේ, අද උදෑසන ගාල්ල සිට පැමිණි මෙම තරුණයන් පිරිස ඇල්ල හරහා හපුතලේ දෙසට ගමන් ගන්නා අතරතුර බණ්ඩාරවෙල – ඔත්තෙකඩේ ප්රදේශයේදී වංගුවක් සහිත ස්ථානයකදි රථයේ වේගය පාලනය කර ගත නොහැකිව මෙම අනතුර සිදුව ඇති බවයි.
අනතුරින් වෑන් රථයට දැඩි හානි සිදුව ඇති අතර, ප්රදේශවාසීන් මැදිහත් වී තුවාල කරුවන් රෝහල් ගත කර තිබෙනවා.
