මැණික්හින්න ප්රාදේශීය රෝහලේ රෝගියෙකු රැගෙන ගිය පිරිසක් සහ රෝහලේ කාර්ය මණ්ඩල සාමාජිකයන් අතර ඇති වූ ගැටුමට සම්බන්ධ පුද්ගලයන් 6 දෙනෙකු අත්අඩංගුවට ගත් බව පොලිසිය පවසනවා.
පොලිසිය සඳහන් කළේ, අද (30) පේරාදෙණිය රෝහලේ ප්රතිකාර ලබමින් සිටින 3 දෙනෙකු සහ මැණික්හින්න රෝහලේ ප්රතිකාර ලබමින් සිටින 3 දෙනෙකු බැගින් 6 දෙනෙකු සිද්ධියට සැකපිට අත්අඩංගුවට ගත් බවයි.
මැණික්හින්න රෝහලේ කාර්ය මණ්ඩලයේ 3 දෙනෙකු සහ රෝගියා සමග පැමිණි පුද්ගලයන් 3 දෙනෙකු මෙසේ අත්අඩංගුවට ගෙන තිබෙනවා.
මැණික්හින්න රෝහලෙන් ප්රතිකාර ගැනීමට පැමිණි පිරිසක් සහ රෝහල් කාර්ය මණ්ඩලය අතර පසුගියදා (28) ඇතිවූ ගැටුමකින් තුවාල ලැබූ 06 දෙනෙකු මහනුවර ජාතික රෝහලට ඇතුළත් කරනු ලැබුවා.
මැණික්හින්න ප්රාදේශීය රෝහලේදී රෝහලට ප්රතිකාර ලබාගැනීම සඳහා පැමිණි රෝගියෙකු ඇතුළු පිරිසක් සහ එම රෝහලේ කාර්ය මණ්ඩලය අතර මෙම ගැටුම හට ගෙන තිබුණා.
අදාළ රෝගියා ජලය යැයි සිතා පෙට්රල් පිරවූ බෝතලයකින් මුහුණ සේදීම නිසා ඇසෙහි ඇතිවූ වේදනාවක් හේතුවෙන් මෙලෙස ප්රතිකාර ලබා ගැනීමට පැමිණ තිබෙනවා.
රෝගියා ඇතුළුව තවත් පිරිසක් රෝහලට පැමිණෙන විටත් රෝහලේ කාර්ය මණ්ඩලය බීමතින් සිට ඇති අතර ප්රතිකාර සිදු කරන වෛද්යවරයාද බීමතින් සිට ඇති බව වාර්තා වෙනවා.
වෛද්යවරයා ඇතුළු කාර්යමණ්ඩලයේ රෝහලේ පැවැති අවුරුදු උත්වයකදී මෙලෙස මත්පැන් පානය කර තිබෙනවා.
එම අවස්ථාවේ ඇති වූ බහින්බස් වීමක් දුරදිග යාමෙන් ගැටුම හටගෙන තිබුණා.