කරන්දෙණිය කුරුදුගහහැතැප්ම් දිවිතුරගමදී නාඳුනන තුවක්කුකරුවන්ගේ වෙඩි පහරින් ඊයේ (26)ජිවිතක්ෂයට පත්වූ කරන්දෙණිය පාදේශීය සෞඛ්‍ය වෛද්‍ය නිලධාරී කාර්යාලයේ පරිපාලන මහජන සෞඛ්‍ය පරීක්ෂකවරයා‌ගේ ඝාතකයන් හදුනා ගැනීමට පොලිස් කණ්ඩායම් හයක් මේ වනවිට යොදවා ඇති බව ඇල්පිටිය පොලිස් අධිකාරී කාර්ලය පවසනවා.
ලංකාදීප වෙබඩවිය සඳහන් කරන්නේ එම කාර්යාලයේ පූර්ණ අධීක්ෂණය යටතේ වෙනමම විශේෂ පොලිස් කණ්ඩායමක් මෙම ඝාතනයේ සුලමුල හෙළිකර ගැනීම සදහා යෙදවූ බවද ඇල්පිටිය පොලිස් අධිකාරී කාර්යාලය සඳහන් කළ බවයි.
ඇල්පිටිය, පතිරාජවත්ත ප්‍රදේශයේ ඊයේ (26) පෙරවරු 7.35ට පමණ සිදුකළ වෙඩිතැබීමකින් ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ භාණ්ඩාගාරිකවරයා සිය නිවස තුළදීම ඝාතනයට ලක්වුණා.
යතුරුපැදියකින් පැමිණි නාඳුනන තුවක්කුකරුවන් දෙදෙනෙක් නිවසට ඇතුළු වී මෙම වෙඩි තැබීම සිදු කර තිබුණා.
මේ වනවිට මේ ඝාතනය සම්බන්ධයෙන් නිශ්චිත හේතුවක් තවමත් හදුනාගෙන නැති අතර ඉදිරි දිනවලදි බොහෝවිට එය අනාවරණය කරගත හැකි බව ඇල්පිටිය පොලිස් අධිකාරී කාර්ලය සඳහන් කළා.
