අධික උෂ්ණත්වය හේතුවෙන් මේ වන විට ඉන්දියාවේ පුද්ගලයින් 9 දෙනෙකු මියගොස් ඇති බව විදෙස් මාධ්‍ය වාර්තා කරනවා.
උෂ්ණාධික කාලගුණයෙන් වැඩි බලපෑම් එල්ල වී ඇත්තේ නැගෙනහිර ඉන්දියාවේ බටහිර බෙංගාල ප්‍රාන්තයටයි.
ඒ හේතුවෙන්, ප්‍රාන්ත වැසියන් ට දරුණු ජල හිඟයකට ද මුහුණ දීමට සිදුව තිබෙනවා.
ප්‍රදේශයේ බහුතර ජන කොටසක් ළිං ජලය භාවිත කරන අතර ළිං සිඳී යාමෙන් ජනතාව දැඩි අපහසුතාවට පත්ව ඇති බව විදෙස් මාධ්‍ය වාර්තා කරනවා.
අප්‍රේල් මාසයේ නැගෙනහිර ඉන්දියාවෙන් වාර්තාවී ඇති උෂ්ණත්වයේ සාමාන්‍ය අගය සෙල්සියස් අංශක 28.12ක් බවද සඳහන්.
කෙසේ වෙතත් එම ප්‍රදේශයන්හි වෙනත් කාලවල වාර්තා වන උෂ්ණත්වයේ සාමාන්‍ය අගය වන්නේ සෙල්සියස් අංශක 22.1 ක් බවද වාර්තා වෙනවා.
ඒ අනුව ගෙවුණු අප්‍රේල් මාසය වාර්තා අතරට එක් වුණේ නැගෙනහිර ඉන්දියාවෙන් 1973 වසරෙන් පසුව වාර්තා වූ වඩාත්ම උණුසුම් ම අප්‍රේල් මාසය ලෙසයි.
ජූනි මාසය දක්වාම මෙවැනි උෂ්ණාධික කාලගුණයක් වාර්තා විය හැකි බවට ඉන්දීය කාලගුණ බලධාරීන් පුරෝකථනය කර තිබෙනවා.
