අමනුෂ්ය දෝෂයක් ඇති බව පවසා ප්රතිකාර සඳහා රැගෙන ගිය වයස අවුරුදු 09ක දැරියකට එම ප්රතිකාර මධ්යස්ථානය පවත්වාගෙන ගිය කාන්තාව විසින් වේවැල් පහර දීමෙන් මිය ගොස් තිබෙනවා.
මෙම සිද්ධිය සිදුව ඇත්තේ ඊයේ (27) දින මීගහවත්ත පොලිස් බල ප්රදේශයේ කඳුගොඩ ග්රාම නිලධාරී වසමේ නිධා ෆවුන්ඩේෂන් නමැති ස්ථානයේදීයි.
පොලීසිය සඳහන් කරන්නේ වේවැල් පහර කෑමෙන් බරපතල තුවාල ලැබූ දැරිය බියගම රෝහලට ඇතුළත් කරන විටත් මිය ගොස් සිට ඇති බවයි.
මහර වැඩබලන මහේස්ත්රාත්වරයා විසින් අද (28) පෙරවරුවේ දැරියගේ පශ්චාත් මරණ පරීක්ෂණය සිදුකළා.
සිද්ධිය සම්බන්ධයෙන් වේවැල් පහර දී ඇති කාන්තාව සහ දැරියගේ මව මීගහවත්ත පොලීසිය විසින් අත්අඩංගුවට ගෙන තිබෙනවා.