ඕස්ට්‍රේලියාවේ වෙස්ට්ෆීල්ඩ් බොන්ඩි පළාතේ, සුපිරි වෙළෙඳ සංකීර්ණයක් තුළ පිහි ප්‍රහාර එල්ල කරමින් 6 දෙනකු මරා දැමූ ප්‍රහාරකයා 40 හැවිරිදි ජොඑල් කවුචි (Joel Cauchi) නමැති පුද්ගලයෙකු බව එරට පොලිසිය පවසනවා.
විදෙස් මාධ්‍ය වාර්තා කළේ, එම පුද්ගලයා කළ පහරදීමෙන්, කාන්තාවන් පස් දෙනකු සහ එක් පිරිමි පුද්ගලයෙකු මිය ගිය බවයි.
එහිදී තවත් බොහෝ දෙනකු තුවාල ලබා ඇති අතර, එම පිරිස අතරේ කුඩා බිලිඳකු සිටින බව විදෙස් මාධ්‍ය වාර්තා පෙන්වා දෙනවා.
පහර දෙමින් කලහකාරීව හැසිරුණු ජොඑල් කවුචි සිඩ්නි නුවර පොලිස් නිලධාරිනියක්ද වෙඩි තබා ඝාතනය කර තිබුණා.
එම පොලිස් නිලධාරිනිය තනිවම ජොඑල් කවුචි නම් එම ඝාතකයා කොටු කරගෙන ඇති අතර ඇය වීරයකු යැයි ඕස්ට්‍රේලියානු ඇන්තනි ඇල්බනීස් පවසා තිබෙනවා.
ඇය ඝාතකයාට වෙඩි නොතැබුවා නම්, තවත් බොහෝ දෙනකු ජීවිතක්ෂයට පත්වීමට ඉඩ තිබුණු බව සිඩ්නි පොලිසිය නිකුත් කළ නිවේදනයක දැක්වෙනවා.
කෙසේවෙතත් ජොඑල් කවුචි එලෙස ප්‍රහාරයක් එල්ල කනිරීමට හේතුව මෙතෙක් අනාවරණය වී නැති අතර පොලිස් පරීක්ෂණ සිදුකෙරෙන බව විදෙස් මාධ්‍ය වැඩිදුරටත් වාර්තා කළා.
