එළැඹෙන 21 වනදා සෑම නිවසකම කළු කොඩි ඔසවන ලෙසට අගරදගුරු මැල්කම් කාදිනල් රංජිත් හිමිපාණන් මෙරට සියළු දෙනාගෙන් ඉල්ලා සිටිනවා.
ඒ, පාස්කු ඉරුදින ප්‍රහාරයට යුක්තිය ඉටු නොවීම සිහිපත් කරමින් සහ ආණ්ඩුවේ වැඩපිළිවෙළට විරෝධය පාමින්.
පාස්කු ඉරුදින ප්‍රහාරයට වගකිවයුත්තන්ට එරෙහිව දැනට ගෙන ඇති නෛතික ක්‍රියාමාර්ග පිළිබඳ සෑහීමකට පත්නොවන බවත් ත්‍රස්ත ප්‍රහාරයට යුක්තිය ඉටු කරගැනීම සඳහා ජත්‍යාන්තරය හමුවට යාමේ වැඩකටයුතු මේ වන විට අරඹා ඇති බවත් කාදිනල් හිමියන් පවසනවා.
කතෝලික සභාව විසින් මේ සම්බන්ධයෙන් ඉකුත් ජුලි මස ජනාධිපතිවරයාට පිටු 19 කින් යුත් ලිපියක් යොමුකර ඇති බවත් අගරදගුරු මැදුරේ ඊයේ (13) පැවැති ප්‍රවෘත්ති සාකච්ඡාවකදී කාදිනල් හිමියන් සිහිපත් කර සිටියා.
ඊට ජනාධිපති නීති අධ්‍යක්ෂ ජනරාල්වරයාගෙන් ලද ප්‍රතිචාරය පිළිබඳව සැහීමකට පත් නොවන බවයි උන්වහන්සේ අවධාරණය කර සිටියේ.
මෙම ප්‍රවෘත්ති සාකච්ඡාවට විදේශ මාධ්‍ය ආයතනවල මෙරට නියෝජිතයින් ද සහභාගීව සිටියා.
