ඊයේ දිනයේ (26) වනජීවී නිලධාරීන්ගේ රාජකාරියට බාධා කරමින් හා ඔවුන්ගේ වෘත්තීය ගරුත්වය හෑල්ලුවට ලක්කරමින් වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩ පිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍ය විමලවීර දිසානායක මහතා ක්‍රියාකල ආකාරයට විරෝධය පලකරමින් වනජීවී වෘත්තීය සමිති 07 ක් සංකේත වැඩවර්ජනයක් ආරම්භ කර තිබෙනවා.
ඒ අනුව ඔවුන් අද (27) දිනයේ අසනීප නිවාඩු වාර්තාකරමින් රාජකාරියෙන් බැහැරවීමට කටයුතු කළා.
වනජීවී වෘත්තීය සමිති එකමුතුව පවසන්නේ නීති විරෝධී ලෙස රක්ෂිතයක් තුළට ගවයන් ඇතුළු කිරීමට අවසර ලබාදෙමින් ජනතාව ඉදිරියේ ද්වේශ සහගත ලෙස වනජීවී නිලධාරීන්ට බැණ වැදීම තම සංගමය දැඩිලෙස හෙළා දකින බවයි.
පෙර ලිපිය කියවන්න
රාජ්‍ය අමාත්‍ය විමලවීර දිසානායකගෙන් වනජීවී නිලධාරීන්ට තර්ජන
ඒ අනුව,
• සමස්ත ලංකා ඒකාබද්ධ වනජීවී නිලධාරීන්ගේ සංගමය
• සමස්ත ලංකා වනජීවී නියාමක නිලධාරීන්ගේ සංගමය
• සමස්ත ලංකා වනසත්ව අඩවි සහකාර නිලධාරීන්ගේ සංගමය
• අඩවි සහකාර වෘත්තිකයන්ගේ සංගමය
• සමස්ත ලංකා අඩවි ආරක්ෂක වෘත්තිකයන්ගේ සංගමය
• ශ්‍රී ලංකා නිදහස් වනජීවී ක්ෂේත්‍ර සහයකයන්ගේ සංගමය
• නව අඩවි ආරක්ෂක වෘත්තිකයන්ගේ සංගමය
මෙම වෘත්තීය ක්‍රියාමාර්ගයට එළැඹ තිබෙනවා.
මීට පෙර පොළොන්නරුව ජලගැලුම් නිම්න ජාතික වනෝද්‍යානය හරහා මනම්පිටිය සිට යක්කුරේ දක්වා නීති විරෝධී ලෙස මාර්ගයක් ඉදිකිරීම සම්බන්දයෙන් හා වනජීවී රක්ෂිතය තුළ අනවසරයෙන් වගා කිරීම සම්බන්දයෙන් වනජීවී දෙපාර්තමේන්තුව අධිකරණයට කරුණු වාර්තා කර තිබුණා.
පසුව එම ඉඩම් නැවතත් වනජීවී දෙපාර්තමේන්තුව වෙත පවරා දීමට අධිකරණය නියෝග කර තිබෙනවා.
එම වනජීවී ඉඩම්ද නැවතත් ප්‍රදේශවාසීන්ට ලබාදීමට අමාත්‍යවරයා කටයුතු කරන බවටද ඔවුන් චෝදනා කළා.
- කබ්රාල් ඇතුළු සිව්දෙනා ගැන අධිකරණයෙන් තීරණයක්
- Breaking:ලාෆ් ගෑස් මිලෙත් වෙනසක්
- ඉඩම් පරිහරණ ගාස්තුව අය නොකිරිම නිසා රජයට කෝටි ගණනක පාඩුවක්
- ChatGPT අක්‍රීයයි?
- ජපානයේ ගුවන් තොටුපළකින් අපූරු ලෝක වාර්තාවක්
