පකිස්තාන අගමැති ඉම්රාන් ඛාන් 2018 වර්ෂයේ එම තනතුරට පත්වීමෙන් පසු ලැබුණු තෑගි පිළිබද තොරතුරු අනාවරණය කිරීම ප්රතික්ෂේප කිරීම එරට තුළ මහත් ආන්දෝලනයකට හේතුවී තිබේ.
අගමැති කාර්යාලය වෙත ඉදිරිපත්ව තිබූ තොරතුරු දැනගැනීමේ ඉල්ලුම් පත්රයක් හරහා අගමැති ඉම්රාන් ඛාන් ධුරයට පත්වූ දා සිට මේ දක්වා ඔහුට විදේශ රාජ්ය නායකයන්ගෙන්, විදේශ රටවලින්,විදේශ ආයතන සහ නියෝජිතයන්ගෙන් ලැබුණු ත්යාග පිළිබද තොරතුරු ලබාදෙන ලෙස ඉල්ලා තිබිණ.
එම කාර්යාලය විසින් එය ප්රතික්ෂේප කරනු ලැබ තිබූ අතර අනතුරුව තොරතුරු ඉල්ලා සිටි පාර්ශව ඒ සම්බන්ධයෙන් පකිස්තාන තොරතුරු කොමිසම වෙත අභියාචනයක් ඉදිරිපත් කරනු ලැබ තිබිණ.
එහිදී තොරතුරු කොමිසම නියෝග කළේ මේ සම්බන්ධ තොරතුරු වහාම හෙළිකරන ලෙසයි.
කෙසේවෙතත් මේ වනවිට තොරතුරු කොමිසමේ එම නියෝගයද ප්රතික්ෂේප කර ඇති අගමැති කාර්යාලය ඒ සම්බන්ධයෙන් ඉස්ලාමාබාද් මහාධිකරණය වෙත අභියාචනයක් ඉදිරිපත් කර තිබේ.
තොරතුරු කොමිසමේ නියෝගය නීති විරෝධී එකක් බව පකිස්තාන ආණ්ඩුවේ බලධාරීන් සදහන් කළත් එම අදහස සමාජ ක්රියාකාරිකයන්ගේ විරෝධයට හේතුවී ඇති බව විදෙස් වාර්තා සදහන් කරයි.