පවතින කොවිඩ් වංසගත තත්වය හමුවේ බිදවැටී ඇති අන්තර්ජාතික සංචරණය යළි නගා සිටුවීම සදහා පොදු ප්‍රතිපත්තිමය එකගතාවයක් ඇති කර ගන්නැයි ඉන්දියාව ඉල්ලීමක් කර තිබේ.
ඉන්දීය අගමැති නරේන්ද්‍ර මෝදි මෙම ඉල්ලීම ඉදිරිපත් කර ඇත්තේ ක්වාඩ් රටවල රාජ්‍ය නායකයන්ගේ සමුළුවේදීය.
ඇමරිකාවේ දී පැවත්වුණ ක්වාඩ් රටවල රාජ්‍ය නායක සමුළුව සදහා ඇමරිකානු ජනාධිපතිවරයා සමග ඉන්දීය, ජපාන සහ ඕස්ට්‍රේලියානු අගමැතිවරු එක්ව සිටියහ.
එහිදී ඉන්දීය අගමැති නරේන්ද්‍ර මෝදි වැඩිදුරටත් අවධාරණය කර ඇත්තේ සංචරණයේදී කෝවිඩි එන්නත්කරණ සහතිකය පිළිගැනීම සදහා ද පොදු වැඩපිලිවෙලක් අත්‍යවශ්‍ය බවයි.
කොරෝනා එන්නත් සහන ලෙස බෙදාහැරීම සදහා ක්වාඩි රටවල් විසින් ආරම්භ කර ඇති වැඩපිලිවෙළ තවදුරටත් පුලුල් කොට ඉදිරියට ගෙනයාමට ද ක්වාඩ් රටවල් මෙහිදී එකගතාවයට එළඹී තිබේ.
