මෝටර් රථ ආනයනයට ඉඩ ලබාදීම සම්බන්ධයෙන් තීරණයක් ගැනීම දෙසැම්බර් මාසයේදී සිදු කිරීමට බලාපොරොත්තු වන බව මහබැංකු අධිපති අජිත් නිවාඩ් කබ්රාල් මහතා පවසනවා.
ඒ, ඇඩ්වොකාටා ආයතනය අද (25) දින සංවිධානය කළ වැඩසටහනකට එක්වෙමින්.
වාහන ගොඩගසා ගැනීම වැළැක්වීම උදෙසා ආනයන සීමාවන් ක්‍රමිකව ලිහිල් කිරීම සම්බන්ධයෙන් ද අවධානය යොමුව ඇති බවයි මහබැංකු අධිපතිවරයා පවසන්නේ.
රුපියලේ අගය ඇමෙරිකානු ඩොලරයට සාපේක්ෂව 250 සීමාව ඉක්මවා යන බවට ඇතැම් පාර්ශව අදහස් දක්වන නමුත් රුපියල දැන් පවත්නා ස්ථාවර අගයේ ම පවත්වාගෙන යන බව ද අජිත් නිවාඩ් කබ්රාල් මහතා අවධාරණය කරනවා.
