කිරිපිටි, ගෑස්, තිරිගු පිටි සහ සිමෙන්ති මිල ගණන් ඉහළ දැමීම සම්බන්ධයෙන් අද (27) පැවැත්වෙන කැබිනට් රැස්වීමේදී තීරණයක් ගැනීමට නියමිත බව ආණ්ඩුවේ අභ්යන්තර ආරංචි මාර්ග සදහන් කරනවා.
කිරිපිටි කිලෝව රුපියල් 200 කින් ද, කිලෝ ග්රෑම් 12.5 ක ගෘහස්ථ ගෑස් සිලින්ඩරයක මිල රුපියල් 550 කින් ද, තිරිඟු පිටි කිලෝව රුපියල් දහයකින් සහ සිමෙන්ති කොට්ටයක මිල රු50 කින් ද වැඩි කිරීමට මේ වනවිටත් පාරිභෝගික අධිකාරියේ අනුමැතිය ලැබී ඇතැයි වාර්තාවනවා.
පාරිභෝගික අධිකාරිය විසින් සකස් කරන ලද එම මිල ගණන් ඇතුළත් යෝජනාව අගමැති මහින්ද රාජපක්ෂ මහතාගේ ප්රධානත්වයෙන් ඉකුත් සිකුරාදා (24) පැවැති ජීවන වියදම් කමිටුවේ දී සාකච්ඡාවට බදුන් වී ඇති අතර, එහි වාර්තාව අද පැවැත්වෙන අමාත්ය මණ්ඩල රැස්වීමේදි සාකච්ඡාවල ලක්කිරීමට නියමිතයි.
මේ සම්බන්ධයෙන් මාධ්ය කළ විමසීමකදි වෙළඳ අමාත්ය ආචාර්ය බන්දුල ගුණවර්ධන මහතා පැවසුවේ ජීවන වියදම් කමිටුවේ වාර්තාව මේ වනවිට කැබිනට් මණ්ඩලයට ඉදිරිපත් කර ඇති බවයි.
ඒ අනුව අද පැවැත්වෙන කැබිනට් රැස්වීමේදී ඒ සම්බන්ධයෙන් තීරණයක් ගැනීමට නියමිත බවද ඔහු සඳහන් කළා.
ඩොලර් හිඟය සහ ලෝක වෙළද පොළේ මිල ගණන් ඉහළ යාම හේතුවෙන් කිරිපිටි, ගෑස්, තිරිගු පිටි සහ සිමෙන්තිවල මිල ගණන් වැඩි කරන ලෙස ආනයනකරුවන් පාරිභෝගික අධිකාරියෙන් අවස්ථා ගණනවකදි ඉල්ලීම් කර තිබුණා.
කෙසේ වෙතත් පසුගිය සමයේ අදාළ මිල ගණන් ඉහළ නොදැමීම තුළ මේ වනවිට වෙළෙදපොළේ දැඩි
කිරිපිටි සහ සිමෙන්ති හිඟයක් නිර්මාණය වී තිබෙනවා.