ශ්රී ලංකාවේ චීන තානාපති චී. ජෙන්හොන් මහතා සහ විපක්ෂ නායක සජිත් ප්රේමදාස මහතා අතර විශේෂ හමුවක් ඊයේ (22) දින සිදු විය.
ඒ, කොළඹ විපක්ෂ නායක කාර්යාලයේදීයි.
දෙරට අතර අන්යොන්ය සහයෝගිතාවය පිලිබදව මෙහිදී අවධානය යොමු කළ බවත් මෙරට ස්වෛරීත්වය සුරක්ෂිත කෙරෙන මිත්රශීලී ද්වීපාර්ශවීය සබදතාවයෙහි වැදගත්කම විපක්ෂ නායකවරයා අවධාරණය කළ බවත් පැවසේ.
ශ්රී ලංකාවේ දියුණුව සහ අභිවෘද්ධිය වෙනුවෙන් ද මෙරට මුහුණ දී සිටින වත්මන් ණය අර්බුදය කළමනාකරණය කිරීමට අවශ්ය සහයෝගය ලබා දෙන ලෙස ත් මෙහිදී විපක්ෂ නායකවරයා ඉල්ලීමක් සිදු කර තිබේ.
දෙරට අතර පවත්නා දීර්ඝකාලීන සබඳතාව පිළිබඳව සිහිපත් කළ චීන තානාපතිවරයා එහි වැදගත්කම ද මෙහිදී අවධාරණය කර තිබේ.