තලේබාන් සංවිධානය විසින් ඇෆ්ගනිස්ථානයේ විදේශ මුදල් භාවිතය තහනම් කර ඇති අතර එය කඩා වැටීමේ ආසන්නයේ සිටින ආර්ථිකය තවදුරටත් කඩා වැටීමක් යැ‍යි විදෙස් මාධ්‍ය වාර්තා කර තිබෙනවා.
තලේබාන් පාලනය නිවේදනය කර තිබෙන්නේ රටේ ආර්ථික තත්ත්වය සහ ජාතික අවශ්‍යතා සඳහා සියලුම ඇෆ්ගනිස්ථානුවන් ඔවුන්ගේ සෑම වෙළඳාමකදීම ඇෆ්ගනිස්ථාන මුදල් භාවිත කළ යුතු බවයි.
තලේබාන් පාලනයට යටත් වීමෙන් අනතුරුව ජ්‍යාත්‍යන්තරයෙන් මූල්‍ය ආධාර ලබා නොදීම නිසා ඇෆ්ගනිස්ථාන ආර්ථිකය මේ වන විට අරගලයක යෙදී සිටිනවා.
පාකිස්තානය ඇතුළු ඇෆ්ගනිථානය ආසන්න රටවල වෙළඳාමේ දී ඩොලර් භාවිත කරනු ලබනවා.
නමුත් තලේබාන් ප්‍රකාශක සබිහුල්ලා මුජාහිඩ් අන්තර්ජාලය ඔස්සේ නිවේදනය කරනු ලැබුවේ ඉස්ලාමීය එමීර් රාජ්‍යයේ සියලුම පුරවැසියන්,සාප්පු හිමියන්,වෙළෙඳුන් සහ සාමන්‍ය ජනතාව ඉදිරියේ දී සියලුම මූල්‍ය ගණුදෙනු ඇෆ්ගනිස්ථානයේ මුදලින් සිදු කළ යුතු බවයි.
