මෙම අවස්ථාවේදී ලංකා විදුලිබල මණ්ඩලය වෙත ඉන්ධන සැපයීම IOC සමාගම විසින් ප්‍රතික්ෂේප කර තිබේ.
මේ මොහොතේ අතිරේක ඉන්ධන සංචිත නොමැති බව පවසමින් ඔවුන් ඉල්ලීම ප්‍රතික්ෂේප කළ බවයි විදුලි බල අමාත්‍ය ගාමිණී ලොකුගේ මහතා පවසන්නේ.
අමාත්‍යවරයා වැඩිදුරටත් පවසන්නේ මේ සම්බන්ධයෙන් මහබැංකු අධිපතිවරයා සමග ද සාකච්ඡා කළ බවයි.
මේ අතර, කොළඹ වරායේ ඇති ඉන්ධන නැව නිදහස් කිරීමට අපොහොසත් වුවහොත් ආසන්න වශයෙන් පැය එකහමාරක කාලයක් විදුලිය විසන්ධි කිරීමට කටයුතු කරන බවද අමාත්‍යවරයා පවසනවා.
එසේ විදුලිය විසන්ධි වීමක් සිදුකරන්නේ නම් ඒ සඳහා කාලසටහනක් සකස් කරන ලෙස මේ වනවිටත් බලධාරීන්ට දැනුම් දී ඇති බවයි ඔහු පවසන්නේ.
