කොවිඩ් දේහ ආදාහනය කිරීමට විරෝධය පළ කරමින් දෙසැම්බර් 14 දින පුද්ගලයෙකු මාළිගාවත්ත ප්‍රදේශයේ ඇති වතුර ටැංකියක් උඩට නැග විරෝධතාවයක නිරත වී ඇත.
අදාළ පුද්ගලයා මාළිගාවත්ත දුම්රිය මහල් නිවාස භූමිය ආසන්නයේ පිහිටා ඇති වතුර ටැංකියක් උඩට නැග තම විරෝධතාව පළ කර තිබුණි. කෙසේ වෙතත් සිද්ධිය වූ ස්ථානයට ගොස් ඇති සමගි ජනබලවේගයේ පාර්ලිමේන්තු මන්ත්‍රී මුජබර් රහුමාන් මහතා මැදිහත් වී අදාළ පුද්ගලයාට කරුණු පැහැදිළි කර දී ඔහුව එම ස්ථානයෙන් පහළට බස්සවා, ඔහුව ප්‍රදේශයේ පොලිස් නිලධාරියෙකුට භාර දී ඇත.
සිද්ධිය පිළිබඳව අප සමඟ අදහස් දැක්වූ මුජුබර් රහුමාන් මහතා පවසා සිටියේ විරෝධතාවයේ නිරත වූ පුද්ගලයාව ප්‍රදේශයේ සෞඛ්‍ය නිලධාරින්ට සහ පොලිසියට භාර දුන් බවත්, ඔහුව කොවිඩ් පරීක්ෂණයට ලක් කර, නැවත නිවෙසට මුදා හැරීමේ පොරෝනදුව මත අදාල නිලධාරීන් සමඟ පිටත් කර යැවූ බවත්ය.
විඩියෝ
https://www.facebook.com/100001149602508/videos/3753631461351804/
