රජයේ වැරදි සම්බන්ධයෙන් එක්පුද්ගලයෙක් ඉලක්ක කර දොස් කිව නොහැකි බවත්, පිරිහීම ඇත්තේ සමස්ත ක්‍රියාවලියේම බවත් ශ්‍රී ලංකා නිදහස් පක්‍ෂයේ ජ්‍යෙෂ්ඨ උප සභාපති, පරිසර අමාත්‍ය මහින්ද අමරවීර මහතා පවසනවා.
ඒ, පරිසර අමාත්‍යාංශයේදී අද (17) පැවති මාධ්‍ය හමුවකදී මාධ්‍යවේදීන් නැගූ ප්‍රශ්නවලට පිළිතුරු දෙමින්.
ජනතාව දොස් කියන්නේ හා විරෝධය පාන්නේ එක් අයකුට නොව ආණ්ඩුවටම බවයි අමාත්‍යවරයා පවසන්නේ.
ශ්‍රී ලංකා නිදහස් පක්‍ෂයට බැසිල් රාජපක්‍ෂ මහතා සමඟ පෞද්ගලික ප්‍රශ්නයක් නොමැති බවත්, රටේ පවතින තත්වයට වගකිව යුතු තවත් මැති ඇමතිවරුන් හා නිලධාරීන්ද සිටින බවත් ඔහු පවසනවා.
ශ්‍රී ලංකා නිදහස් පක්‍ෂය ආණ්ඩුවේ හවුල්කාර පක්‍ෂ 11 සමඟ මෙන්ම ඊට අයත් නොවන පක්‍ෂ සමඟත් එක්ව කටයුතු කරන බව කී ඇමතිවරයා ආණ්ඩුවේ තවත් මැති ඇමතිවරු කණ්ඩායමකුත් ද තම පක්‍ෂය සමඟ සාකච්ඡා කරමින් සිටින බව සඳහන් කරනවා.
රටේ පවතින ප්‍රශ්න විසඳනතුරු ඕනෑම විරෝධතාවයක් සාර්ථක වන බව කී ඇමතිවරයා මේ අවස්ථාවේ ජනාධිපතිවරණයක් ඉල්ලන්නේ ආණ්ඩුක්‍රම ව්‍යවස්ථාව ගැන අවබෝධයක් නැති අය බවත් පවසනවා
