ත්‍රස්ත විමර්ශනයේ සැකකරුවන් 17 කට කොරෝනා !

ත්‍රස්ත විමර්ශන කාර්‍යංශ අත්අඩංගුවේ සිටින සැකකරුවන් 17 කට කොවිඩ්-19 වෛරසය ආසාදනය වී ඇති බව තහවුරු වී තිබේ.
එම කාර්‍යාංශයට මෑතකදී ලබාදුන් කොළඹ, චෛත්‍ය පාරේ පිහිටි නාවික හමුදාවට අයත්ව තිබූ සිර කුටිවල රදවා සිටින පිරිසක් මෙසේ ආසාදිතයන් බව හදුනාගෙන ඇත.
පාස්කු ප්‍රහාරයට සම්බන්ධ සහරාන් නමැත්තා විසින් පවත්වන ලද අන්තවාදී පන්තිවලට සහභාගි වූ මඩකලපුවේ පිරිසක් මේ ස්ථානයේ රදවා සිටින බවත්, ඔවුන් මෑතකදී අත්අඩංගුවට ගෙන කොළඹට රැගෙන විත් ඇති බවත් එම කාර්‍යාංශ ආරංචි මාර්ග සදහන් කරයි.