මහනුවර භූමිකම්පා හුණුගල් ගල් නිසා නොවේ. සියල්ල ස්වාභාවික සිදුවීම්.

මහනුවර සහ වික්ටෝරියා වැව අවට මෑතදී ඇති වූ භූමිකම්පා සිදුවීම් ස්වාභාවික සිදුවීම් වන අතර අසල ඇති හුණු ගල්වලවල්වල ගල් කැඩීම හා කිසිදු සම්බන්ධයක් නොමැති බව ඒ පිළිබදව සොයාබැලීමට පත්කල විශේෂඥ කමිටුව නිගමනය කර තිබෙනවා.
භූ විද්‍යා සමීක්ෂණ හා පතල් කාර්යාංශයේ සභාපති අනුර වල්පොල මහතාගේ ප්‍රධානත්වයෙන් 12 දෙනෙකුගෙන් යුත් විශේෂඥ කමිටුවක් විසින් අද දින (05) සිය වාර්තාව පරිසර අමාත්‍ය මහින්ද අමරාවීරට භාර දෙනු ලැබූවා.
2020 අගෝස්තු 29 සිට දෙසැම්බර් 5 දක්වා කාලය තුළ මහනුවර ප්‍රදේශයේ වාර්තා වූ භූමිකම්පන සිදුවීම් දහයක් පිළිබඳව අධ්‍යයනය කළ කමිටුව කියා සිටියේ, මෙහිදී රිච්ටර් පරිමාණයෙන් 2 ට නොඅඩු සුළු භූ කම්පන වාර්තා වී ඇති බවයි.
කෙසේ වෙතත්, ආරක්ෂිත පියවරක් ලෙස වික්ටෝරියා වේල්ල වටා මීටර් 100 ක පරිමිතියක පිහිටි සියලුම ගල්වලවල් වසා දැමීමට විශේෂඥ කමිටුව නිර්දේශ කර තිබෙනවා.
විශේෂඥ කමිටුව පෙන්වා දෙන්නේ මෑතකදී සිදුවූ මෙම සිදුවීම් මගින් වේල්ලට කිසිදු හානියක් සිදුවී නොමැති බවයි.