ශ්‍රී ලංකා නිදහස් පක්ෂය වමේ පක්ෂ සමග සන්ධානගත වී සැබෑ සර්ව පාක්ෂික ආණ්ඩුවක් පිහිටුවන බව එම පක්ෂයේ සභාපති හිටපු ජනාධිපති මෛත්‍රිිපාල සිරිසේන පවසනවා.
ඒ, ඊයේ (28) මහරගම දී පැවති ආසන ක්‍රියාකාරිකයන්ගේ හමුවකට එක්වෙමින්.
2019න් පසුව රාජ්‍ය සේවකයන්ගේ වැටුප් වර්ධනයක් සිදුව නොමැති බවත් රටේ සෑම දෙනාම එතැණ් සිට දුක් විඳින බවත් ඔහු පවසනවා. එබැවින් රටේ පවතින ගැටළු විසඳිය හැක්කේ ශ්‍රී ලංකා නිදහස් පක්ෂයට පමණක් බවයි ඔහු පෙන්වා දෙන්නේ.
කෙසේ වෙතත් මේ වන විටවිශාල ඇමති මණ්ඩලයක් සහ රාජ්‍ය ඇමති මණ්ඩලයක් යෝජනා වී ඇති බවත් තමන්ව අගමැති තනතුර සඳහා තිලංග සුමතිපාල විසින් යෝජනා කළ නමුත් වත්මන් රජයේ තනතුරු ගැනීමට තමන් සූදානම් නොමැති බවත් මෛත්‍රිිපාල සිරිසේන පවසනවා.
සර්ව පාක්ෂික ආණ්ඩුවක් කෙරෙහි ශ්‍රී ලංකා පොදුකන පෙරමුණ මැලිකමක් දක්වන්නේ තමන්ට ඇති බලය අහිමි වේ යැයි යන බියෙන් බවයි හිටපු ජනාධිපතිවරයා පෙන්වා දෙන්නේ.
