පාකිස්තාන ටෙහ්රීක්-ඊ-ඉන්සාෆ් (PTI) සභාපති ඉම්රාන් ඛාන් ‘ඉම්රාන් කොටි’ නමින් බලකායක් දියත් කර ඇති අතර සැබෑ නිදහස පිළිබඳ පණිවිඩය ගෙයින් ගෙට ගෙන යාමට ඔහු සමග එක්වන ලෙස තරුණයින්ට ආරාධනා කර තිබේ.
ඛාන්ගේ වීඩියෝ පණිවිඩයක් ද මාධ්‍ය වෙත නිකුත් කර ඇති අතර එහිදී ඔහු කියා සිටියේ තම පණිවිඩය රටේ අස්සක් මුල්ලක් නෑර ගෙන යන තම රටේ උද්‍යෝගිමත් තරුණයා, ඉම්රාන් කොටි බලකාය සමග එක්වනු ඇති බවයි.
ඉම්රාන් කොටි කණ්ඩායමට සම්බන්ධ වීමේ ක්‍රියාවලිය ද ඔහු පැහැදිලි කර ඇති අතර සැබෑ ස්වාධීනත්වය සඳහා වන පළමු පියවර මෙය වන බැවින් සියලුම තරුණ තරුණියන් ඊට පූර්ණ ලෙස සහභාගී විය යුතු බව ඔහු ඉල්ලා ඇත.
මැතිවරණ දිනයේ දී සිදුවන වංචාවන් නැවැත්වීම සඳහා තමාට කැපවූ සහ මතවාදී තරුණ තරුණියන් ඡන්ද මධ්‍යස්ථානවල සිටීම අවශ්‍ය බව ද ඔහු එහිදී පවසා තිබේ.
