ඉන්දිය ගුවන් හමුදාව විසින් දේශීයව නිෂ්පාදනය කරන ලද සැහැල්ලු වර්ගයේ ප්රහාරක හෙලිකොප්ටර් යානා පෙලේ පළමු ඛණ්ඩය අද දිනයේදී හඳුන්වා දීමට නියමිතව ඇති බව එරට මාධ්ය වාර්තා කර තිබේ.
මිසයිල සහ වෙනත් ආයුධ ඇතුළු බහුකාර්ය අවි වලින් සමන්විත මෙම හෙලිකොප්ටරය මේ වන විටත් මුලික අවි පරීක්ෂණ කිහිපයක්ම සිදුකර ඇති අතර එහි සටන් දක්ෂතාවය ද මැනවින් පවතින බවයි යුද විශේෂඥයින් පෙන්වා දෙන්නේ.
ඉන්දීය රජය යටතේ ක්රියාත්මක Aeronautics Ltd (HAL) විසින් වැඩි දියුණු කරන ලද මෙම හෙලිකොප්ටරය මූලික වශයෙන් නිර්මාණය කර ඇත්තේ ඉහළ උන්නතාංශ ප්රදේශවල රාජකාරි සඳහා යෙදවීමටයි.
ඉන්දීය ආරක්ෂක අමාත්ය රාජ්නාත් සිං සහ ගුවන් මාණ්ඩලික ප්රධානී එයාර් චීෆ් මාර්ෂල් වීආර් චෞධාරි ඉදිරියේ ජෝද්පූර් හි පැවැත්වෙන උත්සවයකදී එය ඉන්දීය ගුවන් හමුදාවේ ලැයිස්තුගත ගුවන් යානා ඝණයට ඇතුලත් කිරීමට නියමිතයි.
ටොන් 5.8 ක ද්විත්ව එන්ජින් හෙලිකොප්ටරය දැනටමත් විවිධ ආයුධ වෙඩි තැබීමේ පරීක්ෂණ අවසන් කර ඇති බවයි එම නිලධාරීන් සඳහන් කර සිටියේ.
ඉකුත් මාර්තු මාසයේදී, අගමැති නරේන්ද්ර මෝදිගේ ප්රධානත්වයෙන් යුත් ආරක්ෂාව පිළිබඳ කැබිනට් කමිටුව (CCS) දේශීයව සංවර්ධනය කරන ලද සැහැල්ලු හෙලිකොප්ටර් යානා 15 ක් නිපදවීම සඳහා ඉන්දීය රුපියල් මිලියන 3,887 ක ප්රසම්පාදනය කිරීම සඳහා අනුමැතිය ලබාදී තිබුණා.
ආරක්ෂක අමාත්යාංශය ප්රකාශ කර සිටින්නේ මෙම හෙලිකොප්ටර් යානා වලින් 10 ක් ඉන්දීය ගුවන් හමුදාවටත්, සෙසු යානා 5 ඉන්දීය හමුදාව සඳහා වන බවයි.