ජනාධිපති රනිල් වික්‍රමසිංහ මහතා රටේ පවතින ප්‍රශ්ණවලින් භාගයක් විසඳා අවසන් බව ජනාධිපති වෘත්තීය සමිති අධ්‍යක්ෂක ජනරාල් සමන් රත්නප්‍රිය මහතා පවසනවා.
සිරිකොත එක්සත් ජාතික පක්ෂ මුලස්ථානයේ දී පැවැති මාධ්‍ය හමුවකදී ඔහු මේ බව කියා සිටියා.
ඒ මහතා පවසන්නේ රටේ ඉතිරි ප්‍රශ්ණ ද විසඳූවහොත් බොහෝ දෙනාගේ බවයි.
මේ නිසා මෙම කණ්ඩායම් ජනාධිපතිවරයා එලවීමේ සමාජීය ගැටුම් නිර්මාණය කරමින් රටේ ආර්ථිකය බිංදුවට ගෙන ඒමට උත්සහ කරන බව ඔහු පෙන්වා දෙනවා.
අධිකරණ පද්ධතිය උපයෝගී කරගෙන මුදල් අමාත්‍යාංශයේ ලේකම්වරයාට තර්ජනය කරමින් මානසිකව බිඳවීමේ උත්සාහයක් පෙනෙන්නට ඇති බවද ඒ මහතා සඳහන් කරන්නේ.
රට යළිත් හුස්ම ගන්නා තත්ත්වය විනාශ කිරීමට බලා සිටින කණ්ඩායම් මෙසේ රාජ්‍ය නිලධාරීන්ට බලපෑම් කරන බවත් පැවසූ ඔහු මුදල් ලේකම්වරයාට මෙවන් මානසික පීඩනයක් ඇති කළ විට රටේ ආර්ථිකයට අයහපත් අයුරින් බලපාන බවද එනිසා මෙවන් අවස්ථාවක එවන් දේවල් නොකළ යුතු බවත් වැඩිදුරටත් කියා සිටියා.
