කාන්තාව හුදු ගෘහණියක් පමණක් නොව ජාතිය ගොඩනඟන්නෙක්ද වන බව අග්‍රාමාත්‍ය නරේන්ද්‍ර මෝදි විශ්වාස කරන්නේ යැයි එක්සත් ජාතීන්ගේ ඉන්දීය නිත්‍ය නියෝජිත රුචිරා කම්බෝජ් පෙන්වාදී ඇත.
අන්තර්ජාතික කානතා දිනයට සමගාමිව පණිවිඩයක් නිකුත් කරමින් ඇය පවසා ඇත්තේ, “අද නව ඉන්දියාවේ ප්‍රමුඛ කාර්යයක් වන්නේ කාන්තාවන්ගේ සහ ගැහැණු ළමයින්ගේ ප්‍රයෝජනය සඳහා නවීන තාක්‍ෂණයන් යෙදවීමයි. මෙය කාන්තාවන් තවදුරටත් ගෘහණියන් ලෙස පමණක් නොව ජාතිය ගොඩනඟන්නන් බවට ප්‍රකාශ කළ ඉන්දීය අග්‍රාමාත්‍යවරයාගේ දැක්මට අනුකූල වේ. ” යනුවෙනි.
මෙය එක්සත් ජාතීන්ගේ සංවිධානයේ මූලස්ථානයේ දී ඉදිරි දින කිහිපය තුළ ආරම්භ වන කාන්තාවගේ තත්ත්වය පිළිබඳ එක්සත් ජාතීන්ගේ කොමිසමේ 67 වැනි සැසිවාරයේ ප්‍රමුඛතා තේමාව සමඟ ද මනාව සමපාත වන බවයි ඇය පවසා ඇත්තේ.
ඉන්දියාව අද කාන්තා සංවර්ධනය වෙනුවට කාන්තාව නායකත්වය දෙන සංවර්ධනයක් වෙත ගමන් කරමින් සිටින බවත්,
ඉන්දීය සභාපතීත්වය යටතේ G-20 සමුළුවේදී කාන්තාවන් මූලික කරගත් සංවර්ධනයට ප්‍රමුඛත්වය දෙන බවත් ඇය සඳහන් කළාය.
“අපි අනාගතයට සූදානම් වීමට නම්, අවධානය යොමු කළ යුත්තේ, කාන්තාවන් කතිකාවේ කේන්ද්‍රයේ සහ තීරණ ගැනීමේ ක්‍රියාවලියේ කේන්ද්‍රස්ථානයේ තැබීමයි. නෝනාවරුනි, මහත්වරුනි, ස්ත්‍රී පුරුෂ සමානාත්මතාවය යථාර්ථයක් බවට පත් කිරීමේ දී අපි කිසිම අතපසුවීමක් නොකරමු,” කාම්බෝජ් පැවසීය.
