එළඹෙන උත්සව සමයේ දී පොලීසිය මහජනතාවගේ ආරක්ෂාව සඳහා විශේෂ සැලසුම් කිහිපයක් සකස් කර තිබෙනවා.
ජ්යේෂ්ඨ පොලිස් අධිකාරී නීතිඥ නිහාල් තල්දූව මහතා කියා සිටියේ උත්සව සමයේ දී මහජනතාව වංචාවලට හසු නොවී සිටිය යුතු බවයි.
විවිධ භාණ්ඩ මිලදී ගැනීමේ දී එම භාණ්ඩ පරිභෝජනයට සුදුසු තත්ත්වයේ පවතීද යන්න සම්බන්ධව සැලකිලිමත් වන ලෙස ද ඔහු ජනතාවගෙන් ඉල්ලා සිටිනවා.
තවද පොලීසිය සඳහන් කරන්නේ උත්සව සමයේ දී ජාවරම්කරුවන් විසින් ව්යාජ මුදල් නෝට්ටු සංසරණය සඳහා එක්කරන බවත් ඒ පිළිබඳ ජනතාව විමසිල්ලෙන් පසුවිය යුතු බවයි.
එසේම මහජනතාව විශාල පිරිසක් එක්රැස්වන ස්ථානයන්හි ගැට කපන්නන් ගැවසීමේ අවදානමක් පවතින බැවින් එවැනි ස්ථානවලදී තම මුදල් පසුම්බිය ප්රවේසම් කරගැනීමට වගබලාගන්නා ලෙසද පොලීසිය මහජනතාව වෙත දැනුම් දෙනවා.
ඊට අමතරව භාණ්ඩ මිලදී ගැනීමට කුඩා දරුවන් සමඟ විවිධ ස්ථානවලට යන්නේ නම් එම අවස්ථාවලදී දරුවන්ට රන් ආභරණ පැළඳවීමෙන් වළකින ලෙසද පොලීසිය මහජනතාවගෙන් ඉල්ලා සිටීනවා.
තවද රථවාහන ගාල්කර වෙනත් ස්ථානයක් කරා ගමන් කරයි නම් තමන් පැමිණි රථයේ දොරගුළු වැසුණු බවට මෙන්ම යතුරුපැදියක පැමිණියහොත් එහි හැඬලය අගුලු දමා ඇති බවට නිවැරදිව තහවුරු කරගන්නා ලෙසත් පොලීසිය මහජනතාවට දැනුම් දෙනවා.
මේ අතර නිවසින් දුර බැහැර යන්නේ නම් ඒ පිළිබඳව සමාජ මාධ්ය ඔස්සේ ප්රසිද්ධ නොකරන ලෙස පොලිස් මාධ්ය ප්රකාශකවරයා වැඩිදුරටත් ඉල්ලා සිටිනවා.