උත්සව සමයෙන් අනතුරුව ඉදිරි දින කිහිපයේ දී පොදු ජනතාවගේ ආරක්ෂාව වෙනුවෙන් පොලීසිය හා ආරක්ෂක නිලධාරීන් යොදවිමට පොලීසිය තීරණය කර තිබෙනවා.
පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නිහාල් තල්දූව මහතා සඳහන් කළේ බීමත් රියදුරන් සොයා සිදුකෙරෙන සෝදිසි කිරීම් ද අඛණ්ඩව ක්‍රියාත්මක කරන බවයි.
තවද අලුත් අවුරුදු සමයේ පැවැත්වෙන අවුරුදු උත්සව හා සංගීත ප්‍රසංගවලට සහභාගී වීමේදී ආරක්ෂාව සම්බන්ධයෙන් අවධානයෙන් කටයුතු කරන ලෙස ඔහු ජනතාවගෙන් ඉල්ලා සිටිනවා.
මේ අතර බීමත් රියදුරන්ට එරෙහිව නීතිය ක්‍රියාත්මක කිරීම සඳහා පොලිස් රථවාහන නිලධාරීන් කොළඹ සිට විහිදෙන ප්‍රධාන මාර්ගවල සේවයේ යොදවා ඇති තිබෙනවා.
පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නිහාල් තල්දූව මහතා කියා සිටියේ පොලිස් නිලධාරීන් විසින් රථ වාහන පරික්ෂාවට ලක් කළ හැකි බැවින් ඒ සඳහා සහය ලබාදෙන ලෙස ජනතාවගෙන් ඉල්ලීම් කරන බවයි.
මේ අතර ගංඟා සහ මුහුදු ප්‍රදේශවල දිය නෑමට යෑමේදී සැලකිලිමත් වන ලෙසත් අනතුරු දායක ස්ථානවලින් දිය නෑමෙන් වළකින ලෙස පොලීසිය මහජනතාවගෙන් වැඩිදුරටත් ඉල්ලා සිටිනවා.
