33 C
Colombo
Friday, May 3, 2024

නිරෝධායන දුක ගැන මාධ්‍යවේදිනිය පවිත්‍රාටම ලියයි

- Advertisement -

ස්වයං නිරෝධායනයේ සිටින තමා ගැන රජයෙන් සොයා නොබැලී යැයි සෞඛ්‍ය ඇමැතිනියට කළ පැමිණිල්ලකින් පසුව මහජන සෞඛ්‍ය පරීක්ෂකවරුන් පැමිණ සොයා බැලූ සිදුවීමක් රාගම හොරපේ ප්‍රදේශයෙන් වාර්තා වේ.

තම පුත්‍රයාගේ රැකියා ස්ථානයේ කොවිඩ් ආසාදිතයකු වාර්තාවීමෙන් පසුව සිය පවුල නිවසේ නිරෝධායනයට ලක්කිරීමෙන් අනතුරුව මෙසේ අසාධාරණයට ලක් වී යැයි සෞඛ්‍ය ඇමැතිනියට පැමිණිලි කර තිබුණේ ලංකාදීප පුවත්පතේ කර්තෘ මණ්ඩල ජනමාධ්‍යවේදිනී විනීතා එම්. ගමගේය.

වර්ග අඩි 3000 ක් ඇති තම නිවසේ පුත්‍රයා පමණක් ස්වයං නිරෝධායනයට ලක්කිරීමට අවස්ථාව තිබියදී සිය දෛනික ආහාර අවශ්‍යතා හා ඖෂධ ආදී අත්‍යවශ්‍ය දේ ගැන කිසිදු සැලකිල්ලක් නොදක්වා රාගම හොරපේතුඩුව මහජන සෞඛ්‍ය පරීක්ෂකවරයා නිරෝධායන නිවසක් යැයි දැන්වීමක් අලවා යෑමෙන් මෙම තත්ත්වය නිර්මාණය වී යැයි විනීතා එම් ගමගේ මහත්මිය සෞඛ්‍ය ඇමැතිනියට කළ පැමිණිල්ලේ සඳහන් වේ.

තමාගේත් ස්වාමි පුරුෂයාගේත් අත්‍යවශ්‍ය ඖෂධ අවසන් වී තිබීමත් නිවසේ ගෑස් ටැංකිය අවසන් වී තිබීමත් ආදී අවශ්‍යතා ගැන කරුණු දන්වන්නට මහජන සෞඛ්‍ය පරීක්ෂකවරයාට වට්සැප් පණිවිඩයක් යැවූ විට ඔහු එය බලා කිසිදු ප්‍රතිචාරයක් නොදැක් වී යැයි ද පසුව දුරකථන ඇමතුම්වලට ද පිළිතුරු නොදී සිටියේ යැයි ද ඇය එහි කරුණු සඳහන් කර ඇත.

කෙසේ වෙතත් අදාළ පැමිණිල්ලේ පිටපත් සෞඛ්‍ය සේවා අධ්‍යක්ෂ ජනරාල්වරයාටත් මානව හිමිකම් කොමිසමටත් රාගම සෞඛ්‍ය වෛද්‍ය නිලධාරිවරයාටත් යොමු කිරීමට තමා කටයුතු කළේ යැයි ද ඉන්පසු මහජන සෞඛ්‍ය පරීක්ෂකවරුන් කණ්ඩායමක්ම තම නිවෙසට පැමිණ කරුණු විමසා තත්ත්වය ගැන ග්‍රාමනිලධාරිවරයාට දැන් වී යැයි විනීතා එම් ගමගේ මහත්මිය නිව්ස් 19 ට පැවැසුවාය.

ඉන් අනතුරුව ප්‍රදේශයේ ග්‍රාම නිලධාරිවරයා වැලිසර ප්‍රදේශයේ පිහිටි සුපිරි වෙළෙඳ සැලක ලිපිනයකින් යුතු බඩු මල්ලක් නිවෙසට එවී යැයි ද ගමගේ මහත්මිය කීවාය.

නිරෝධායන වැඩපිළිවෙලේ සන්නිවේදන ක්‍රමය ගැන කරුණු විමසීමට මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා සම්බන්ධ කරගැනීමට අවස්ථා කීපයකදීම නිව්ස් 19 ගත් උත්සාහය සාර්ථක වූයේ නැත.

RECENT ARTICLES - SINHALA

ගාල්ල වරාය සංවර්ධනයට ඩොලර් මිලියන 200ක්

ගාල්ල වරාය සංචාරක වරායක් ලෙස සංවර්ධනය කිරීමට වරාය නාවික හා ගුවන් සේවා අමාත්‍යාංශය මේ වන විට සියලු සැලසුම් සකස් කර තිබෙනවා. මීටර් අටසිය පනහක් සහ...

කබ්රාල් ඇතුළු සිව්දෙනා ගැන අධිකරණයෙන් තීරණයක්

හිටපු මහ බැංකු අධිපති අජිත් නිවාඩ් කබ්රාල් ඇතුළු විත්තිකරුවන් 04 දෙනෙකුට එරෙහිව අල්ලස් කොමිසම විසින් ගොනුකර තිබෙන නඩුව නිෂ්ප්‍රභ කොට ඉන් විත්තිකරුවන් නිදහස් කරන...

Breaking:ලාෆ් ගෑස් මිලෙත් වෙනසක්

ලාෆ් ගෘහස්ථ ගෑස් කිලෝග්‍රෑම් 12.5 ක සිලින්ඩරයක මිල රුපියල් 275 කින් අඩු කිරීමට තීරණය කළ බව ලාෆ් ගෑස් සමූහ ප්‍රධාන විධායක නිලධාරී ආචාර්ය නිරෝෂන්...

POPULAR ARTICLES

අද පෑලියගොඩ එළවළු තොග මිල මෙන්න

අද (30) දිනයේ දී පෑලියගොඩ මැනිං වෙළෙඳ සංකීර්ණයේ එළවළු කිලෝවක තොග මිල මෙලෙස සඳහන්ව තිබුණා. කැරට් රු 150, බෝංචි රු 200, ලීක්ස් රු 150, බීට්...

සාමාන්‍ය පෙළ සිසුන්ට විශේෂ දැනුම්දීමක්

අධ්‍යයන පොදු සහතික පත්‍ර සාමාන්‍ය පෙළ විභාගය පැවැත්වීම සඳහා අවශ්‍ය සියලු කටයුතු මේ වන විට සූදානම් කර ඇති අතර වර්ෂාවත් සමඟ හදිසි ආපදා තත්ත්වයන්...

උසස් පෙළ ප්‍රතිඵල එන දිනය ගැන නිවේදනයක්

අධ්‍යයන පොදු සහතික පත්‍ර උසස් පෙළ 2023 විභාගයේ ප්‍රතිඵල නිකුත් කිරීමට මේ මස අවසන් සතියේ පමණ හැකිවනු ඇති බව විභාග දෙපාර්තමේන්තුව පවසනවා. 2023 උසස් පෙළ...