අමෙරිකාවේ නාවික හමුදා ප්‍රධානි ධුරයට කාන්තාවක් පත් කිරීමට අමෙරිකානු ජනාධිපති Joe Biden තීරණය කර තිබෙනවා.
ඒ අනුව Lisa Franchetti එම තනතුර සඳහා යෝජනා කර ඇති බව විදෙස් මාධ්‍ය වාර්තා කළා.
ඇය අමෙරිකාවේ 06 වන නාවික බලඇණියේ ප්‍රධානියා ලෙස කටයුතු කර ඇති අතර දකුණු කොරියාවේ අමෙරිකානු නාවික බලකායේ ප්‍රධානියා ලෙස ද කටයුතු කර තිබෙනවා.
අමෙරිකානු ජනාධිපතිවරයා විසින් සිදුකළ අදාළ නම් කිරීම එරට සෙනෙට් සභාව විසින් තහවුරු කළ යුතු බව සඳහන්.
මෙම පත්කිරීමට සෙනට් සභාව අනුමැතිය හිමිවුනොත් අද්මිරාල් Lisa Franchetti අමෙරිකාවේ ආරක්ෂක අංශ ප්‍රධානියකු වූ පළමු කාන්තාව ලෙස සැලකිය හැකි බවයි විදෙස් මාධ්‍ය වාර්තා කළා.
