මේ සතියට යෙදී තිබුණු ජපාන අග්‍රාමාත්‍ය ෆුමියෝ කිෂිඩා මහතාගේ ශ්‍රී ලංකා සංචාරය අවලංගු කර තිබෙන බවට මාධ්‍ය වාර්තා කරනවා.
ඉන්දියාවේ පැවැත්වෙන ජී 20 රාජ්‍ය නායක සමුළුවට සහභාගි වන අතරතුර එක්දින සංචාරයක් සඳහා ශ්‍රී ලංකාවට පැමිණීමට ජපාන අග්‍රාමාත්‍යවරයා මුලින් සැලසුම් කර තිබුණා.
කෙසේවුවද, ජපන් අගමැතිවරයා ශ්‍රී ලංකා සංචාරය අත්හිටුවීමට හේතුවද මේ දක්වා හෙළිව නොමැති බවයි තොරතුරු වාර්තා වන්නේ.
ඉන්දීය ආරක්ෂක අමාත්‍යවරයා ශ්‍රී රාජ්නාත් සිං මහතා පසුගිය සැප්තැම්බර් 02 – 03 යන දිනවල මෙරට සංචාරයක නිරතවීමට නියමිතව සිට පසුව ඒය අත්හරිනු ලැබුවා.
මෑත කාලයේදී මෙසේ රාජ්‍ය නායකයකු පැමිණීමට සැලැසුම්කර සිට පසුව නොපැමිණි දෙවැනි අවස්ථාව මෙය වනවා
