මෙවර ශිෂ්යත්ව විභාගයේ ප්රශ්න පත්ර විභාගයෙන් පසු සමාජ මාධ්ය ඔස්සේ බෙදා හැරීමේ සිද්ධිය සම්බන්ධයෙන් විභාග දෙපාර්තමේන්තුව විශේෂ පරීක්ෂණයක් ආරම්භ කර තිබෙනවා.
විභාග කොමසාරිස් ජනරාල් අමිත් ජයසුන්දර මහතා පවසන්නේ එම නීති විරෝධී ක්රියාවේ යෙදුණු කණ්ඩායම්වලට එරෙහිව තරාතිරම නොබලා කටයුතු කරන බවයි.
විභාගය අවසන් වීමෙන් පසු ප්රශ්න පත්ර සමාජ මාධ්ය මාධ්යවලට නිකුත් කිරීමෙන් විභාගයේ රහස්යභාවයට කිසිදු හානියක් සිදු නොවූවද ඉන් දරුවන්ගේ මානසික තත්වයට බලපෑමක් එල්ල විය හැකි බව විභාගකොමසාරිස් ජනරාල්වරයා තවදුරටත් ප්රකාශ කළා.
පහ ශ්රේණිය ශිෂ්යත්ව විභාගය දිවයින පුරා මධ්යස්ථාන 2888කදී ඊයේ (15) පැවත්වුණ අතර එම විභාගයට අපේක්ෂකයන් තුන් ලක්ෂ තිස් හත් දහස් නවසිය පනස් හයක් පෙනී සිට තිබෙනවා.
කෙසේවෙතත්, විභාග කටයුතු අවසන් වී පැය දෙකක් ගතවීමටත් පෙර විභාග ප්රශ්න පත්ර සමාජ මාධ්ය වෙත නිකුත් වී තිබූ බව දෙපාර්තමේන්තුව පවසනවා.
ශිෂ්යත්ව විභාගය පෙරේදා අවසන් වී පැය දෙකක් ගතවීමටත් පෙර මෙසේ පිට වී ඇත්තේ අංක 61313 දරන පළමු ප්රශ්න පත්රය සහ අංක 218013 දෙවැනි ප්රශ්න පත්රයයි.
විභාගයක් නිමවී ප්රතිඵල පිටවන තෙක් විභාග ප්රශ්න පත්ර විභාග දෙපාර්තමේන්තුවට අයත් රහස්ය ලේඛන වන අතර ඒවා ඊට පෙර ප්රසිද්ධියට පත් කිරීම දැඩි දඬුවම් ලැබිය හැකි වරදක් බව විභාග දෙපාර්තුමේන්තුව පෙන්වා දෙනවා.