දේවගැති ජෙරම් ප්‍රනාන්දු හට පනවා තිබූ විදෙස් ගමන් තහනම තාවකාලිකව ඉවත්කිරීමට පියවර ගෙන තිබෙනවා.
ජෙරම් ප්‍රනාන්දුට එරෙහි නඩුව අද (03) කොටුව මහෙස්ත්‍රාත් අධිකරණය හමුවේ කැඳවූ අවස්ථාවේදී මෙම නියෝගය ලබා දුන්නා.
විදෙස් රටවල් කිහිපයක් වෙත යාම සඳහා අවශ්‍ය බව සඳහන් කර ඇති අතර ඒ සම්බන්ධයෙන් සලකා බැලූ අධිකරණය පෙර ඇපවලට යටත්ව තාවකාලිකව විදෙස් ගමන් තහනම ඉවත්කර තිබෙනවා.
පසුගිය වසරේ මැයි මාසයේ දී ආගම් පිළිබඳ අවමන් සහගත ප්‍රකාශ සිදුකිරීම හේතුවෙන් ගොනුකර ඇති නඩුවට අදාළව දේවගැති ජෙරම් ප්‍රනාන්දුට අධිකරණය මගින් මීට පෙර විදෙස් ගමන් තහනමක් පනවා තිබුණා.
