ප්‍රංශයේ ගිණිකොන ප්‍රදේශයේ නිල සංචාරයක් සඳහා සහභාගී වූ ප්‍රංශ ජනාධිපති එමානුවෙල් මැක්‍රොන් ගේ මුහුණට පුද්ගලයකු පහර දී තිබේ.
එම වීඩියෝව මේ වන විට සමාජ මාධ්‍ය ජාලයන්හි වේගයෙන් සංසරණය වන්නේය.වැලෙන්ස් නගරයෙන් පිටත ටේන් එල් හර්මිටේජ් හි මිනිසුන් රැස්වූ ස්ථානයකට පැමිණෙන ජනාධිපතිවරයා ආරක්ෂකයින් සමඟ මිනිසුන් අසලට යන අතර එක් පුද්ගලයකු මෙහිදී ජනාධිපතිවරයාගේ මුහුණටම ප්‍රහාරයක් එල්ල කරන ආකාරය එම වීඩියෝවෙහි සටහන් වී තිබේ.
කොළ පැහැති ටී ෂර්ටයකින් සැරසුණු පුද්ගලයෙක් ජනාධිපතිවරයාට මෙසේ පහර දෙන අතර ක්ෂණිකව ක්‍රියාත්මක වන ආරක්ෂක නිලධාරීන් ජනාධිපතිවරයා එම පුද්ගලයාගෙන් ඉවතට ඇද ගනී.
සිදුවීමෙන් අනතුරුව පුද්ගලයින් දෙදෙනෙකු අත්අඩංගුවට ගෙන ඇති බව ප්‍රංශ මාධ්‍ය වාර්තා කරයි.පහර එල්ල කළ මිනිසාගේ අනන්‍යතාවය සහ චේතනාව තවමත් පැහැදිලි නැත.
සුළු මොහොතකට පසු ජනාධිපතිවරයා නැවත ජනතාව අතරට පැමිණ සුහද කතාබහක නිරත වූ බව පැවසේ.රාජ්‍ය නායකයින් ගණනාවක් මෙම පහරදීම පිළිබඳ සංවේගය ප්‍රකාශ කර තිබේ.
ඊට අදාළ දර්ශන පහතින්,
