මූතුර්, බහිරියා නගර් කලපු ප්‍රදේශයේ දී ඊයේ(01) පුද්ගලයෙකු සැකකටයුතු ලෙස මියගොස් ඇතැයි පොලීසියට තොරතුරක් ලැබී තිබෙනවා.
එලෙස මියගොස් ඇත්තේ, බහිරියා නගර්, මූතුරු 01 ප්‍රදේශයේ පදිංචිව සිටි 39 හැවිරිදි අයෙක්.
මරණකරුගේ දෑත් සහ දෙපා ගැට ගසා දෙඅත්වල වැලි උරයක්ද ගැට ගසා තිබී ඇති අතර මෙය මනුෂ්‍ය ඝාතනයක් බවට පොලීසිය සැකකරනවා.
මෙම පුද්ගලයා පසුගිය 30 වනදා රාත්‍රී කාලයේදී කිසිවෙකුටත් නොදන්වා නිවසින් පිටව ගොස් ඇති බවත් ඔහු මානසික රෝගයකින් පෙළෙන පුද්ගලයෙකු බවටත් අනාවරණය වී ඇති බවට වාර්තා වනවා.
ඝාතනය සිදුකළ සැකකරු අත්අඩංගුවට ගැනීම සඳහා මූතුර් පොලීසිය වැඩිදුර විමර්ශන සිදුකරන බව සඳහන්.
