කොළඹ ප්රධාන මහේස්ත්රාත් අධිකරණයේ නීතිඥ කාමරයකදී පුටුවක් හේතුවෙන් ඇති වූ ආරවුලක් දුරදිග යාමෙන් ජ්යෙෂ්ඨ නීතිඥවරුන් දෙදෙනකු විසින් නවක නීතිඥවරයකුට පහර දී තිබෙනවා.
එම පහර දීමෙන් නවක නීතිඥවරයා රෝහල් ගතකර ඇති බවයි වාර්තා වන්නේ.
සිය සේවා දායකයන් හමුවන මෙම නිල නීතිඥ කාමරයේ අසුනක වාඩි වී සිටි නව නීතිඥවරයා ජ්යෙෂ්ඨ නීතිඥවරුන් දෙදෙනාගෙන් “ඇයි අයියා අවුලක්ද? මොනවද කෙරෙන්න ඕනැ?” යනුවෙන් ප්රශ්ණ කර ඇති අතර එම ප්රශ්ණය දුරදිග යාමෙන් මෙම පහරදීම සිදුව තිබෙනවා.
කෙසෙල්වත්ත පොලිසිය සඳහන් කළේ ඊයේ (25) උදෑසන මෙම පහරදීම සිදුව ඇති බවයි.
පසුව දෙපාර්ශවයම සිද්ධිය සම්බන්ධයෙන් කෙසෙල්වත්ත පොලීසියට ගොස් එකිනෙකාට විරුද්ධ පැමිණිලි ඉදිරිපත් කර තිබෙනවා.
සිද්ධිය සම්බන්ධයෙන් කෙසෙල්වත්ත පොලිසිය විමර්ශන සිදු කරනු ලබනවා.