එක්දින ලෝක කුසලාන තරගාවලිය ලබන මස 05 වනදා ඉන්දියාවේ දී ආරම්භ වීමට නියමිතව තිබෙනවා.
තරගාවලියට එක්වන ශ්‍රී ලංකා කණ්ඩායම නුදුරේදීම නම් කිරීමට නියමිත අතර ආබාධ තත්වයක් හේතුවෙන් ශ්‍රී ලංකා ප්‍රබලයෙකු වන ශ්‍රී ලංකා සුපිරි දගපන්දු යවන තුන් ඉරියව් ක්‍රීඩක වනිදු හසරංගට ලෝක කුසලාන තරගාවලිය අහිමි වීමේ වැඩි ඉඩක් පවතින බවට වාර්තා වනවා.
ආසියානු කුසලාන තරගාවලිය තුළ තරමක් අසාර්ථකභාවයක් පෙන්නුම් කළ දිමුත් කරුණාරත්න වෙනුවට ආරම්භක පිතිකරු ලෙස අවිශ්ක ප්‍රනාන්දු කැදවීමේ සූදානමක් පවතින බවයි වාර්තා වන්නේ .
නමුත් තවමත් ලෝක කුසලාන සංචිතය නිළ වශයෙන් ප්‍රකාශයට පත් කොට නොමැති අතර නායක දසුන් ශානක සම්බන්ධයෙන් ද තේරීම් කමිටුව තීරණයක් ගැනීමේ සූදානමකින් පසුවන බවටද ක්‍රීඩා ආරංචි මාර්ග සදහන් කරනවා.
මේ අතර එක්දින ලෝක කුසලාන සංචිතය සම්බන්ධයෙන් අවසන් තීරණයක් ගැනිම සඳහා තේරීම් කමිටු ප්‍රධානී ප්‍රමෝද්‍ය වික්‍රමසිංහ සමගින් සෙසු තේරීම් කමිටු සාමාජිකයන් වන රොමේෂ් කළුවිතාරණ, හේමන්ත වික්‍රමරත්න හා ශ්‍රී ලංකා කණ්ඩායමේ උපදේශක හිටපු ශ්‍රී ලංකා නායක මහේල ජයවර්ධන එක්වීමට නියමිතයි.
ක්‍රිකට් ආරංචි මාර්ග වාර්තා පවසන්නේ බොහෝ දුරට කණ්ඩායම් නායකත්වයෙහි වෙනසක් සිදුවීමට නියමිත බවයි.
