නුවර එළිය දිස්ත්‍රික් සෞඛ්‍ය සේවා අධ්‍යක්ෂක කාර්යාලය යටතේ පාලනය වන සෞඛ්‍ය වෛද්‍ය නිලධාරි කාර්යාලයක සෞඛ්‍ය වෛද්‍ය නිලධාරිවරයා විසින් අලුතින්පත්විම් ලබා පැමිණි වෛද්‍යවරියකට ලිංගික අතවර කිරිමට තැත් කළ බවට එම වෛද්‍යවරිය විසින් සෞඛ්‍ය අමාත්‍යංශයට පැමිණිලි කර තිබෙනවා.
එම සෞඛ්‍ය වෛද්‍ය නිලධාරි කාර්යාලයට වෙනත් සෞඛ්‍ය වෛද්‍ය නිලධාරින් නොමැති නිසා නුවරඑලිය දිස්ත්‍රික්කයට අලුතින් පත්විම් ලද එම වෛද්‍යවරිය යොමු කිරිමට දිස්ත්‍රික් සෞඛ්‍ය සේවා අධ්‍යක්ෂක කාර්යාලය කටයුතු කර තිබුණා.
සෞඛ්‍ය වෛද්‍ය නිලධාරිවරයා විසින් අවස්ථා කිහිපයකදි තමන්ට ලිංගික බලපැම් සිදු කල බවත්, එවැනි තත්ත්වයක් මත තවදුරටත් එම සෞඛ්‍ය වෛද්‍ය නිලධාරි කාර්යාලයේ තමන්ට සේවය කිරිමට නොහැකි නිසා දිස්ත්‍රික්කය තුලම වෙනත් රෝහලක හෝ සෞඛ්‍ය වෛද්‍ය නිලධාරි කාර්යාලයකට තමන්ව යොමු කරන ලෙසට එම වෛද්‍යවරිය විසින් කරන ලද ඉල්ලිමක් මත නුවරඑලිය දිස්ත්‍රික් සෞඛ්‍ය සේවා අධ්‍යක්ෂක කාර්යාලයේ නිලධාරින් විසින් එම වෛද්‍යවරියව දිස්ත්‍රික්කය තුල පිහිටි ප්‍රාදේශිය රෝහලට මාරු කර යවා ඇති බවත් වාර්තා වනවා.
මධ්‍යම පළාත් සෞඛ්‍ය සේවා අධ්‍යක්ෂකවරයාගේ උපදෙස් අනුව වෛද්‍යවරියට ලිංගික බලපැම් සිදු කල සෞඛ්‍ය වෛද්‍ය නිලධාරිවරයාට එරෙහිව විනය පියවර ගැනිමට දිස්ත්‍රික් සෞඛ්‍ය සේවා අධ්‍යක්ෂක කාර්යාලයේ නිලධාරින් පියවර ගනිමින් සිටිනවා.
