ආසියානු කුසලාන එක්දින ක්රිකට් තරඟාවලියේ ඉන්දියාවට එරෙහිව පැවති අවසන් මහා තරඟය පරාජයට පත්වීම සම්බන්ධයෙන් විමර්ශනයක් සිදුකරන ලෙස ඉල්ලමින් පොලිස් මූලස්ථානයට අද (18) පැමිණිල්ලක් යොමු කර තිබෙනවා.
අල්ලස, දූෂණය නාස්තියට එරෙහි පුරවැසි බලය සංවිධානයේ සභාපති ජාමුනී කමන්ත තුෂාර මහතා පොලිස් මූලස්ථානයට පැමිණිල්ල ඉදිරිපත් කිරීමෙන් අනතුරුව මාධ්ය වෙත අදහස් දක්වමින් පැවසුවේ ඉතා අඩු ලකුණු සංඛ්යාවකට ඉන්දියාව හමුවේ ශ්රී ලංකා කණ්ඩායම දැවී යාම සම්බන්ධයෙන් සැකයක් පවතින බවයි.
කොළඹ ආර්.ප්රේමදාස ක්රීඩාංගණයේදී ඉන්දියාවට එරෙහිව ඊයේ පැවති අවසන් මහා තරඟයේදී ශ්රී ලංකා කණ්ඩායම පන්දු වාර 15 යි පන්දු 2 ක් තුළ ලකුණු 50 කට දැවී ගියා.
ජාමුනී කමන්ත තුෂාර මහතා සඳහන් කළේ තරඟය පාවාදී ඇත්ද යන්න සම්බන්ධයෙන් සැකයක් මතු වීම හේතුවෙන් පොලිස් මූලස්ථානයට පැමිණිල්ලක් ඉදිරිපත් කළ බවයි.