විදුලිබල ක්ෂේත්‍රය ප්‍රතිව්‍යූහගත කිරීම සම්බන්ධයෙන් ජපාන ජාත්‍යන්තර සහයෝගීතා ඒජන්සිය හෙවත් ජයිකා අයතනයේ නිලධාරීන් සමග විදුලිබල හා බලශක්ති අමාත්‍ය කංචන විජේසේකර මහතා අද (18) විශේෂ සාකච්ඡාවක් පවත්වා තිබෙනවා.
නිවේදනයක් නිකුත් කරමින් එම අමාත්‍යාංශය සඳහන් කළේ ජපාන ජාත්‍යන්තර සහයෝගීතා ඒජන්සියේ මූල්‍ය සංවර්ධන සහ සහයෝගිතා සම්බන්ධතා කටයුතු පිළිබඳ උප සභාපති ආචාර්ය මෙගුමි මුටෝ සහ මෙරට ප්‍රධාන නියෝජිත ටෙට්සුයා යමඩා ඇතුළු නිලධාරීන් පිරිසක් මේ සඳහා එක්ව සිටි බවයි.
පුනර්ජනනීය බලශක්ති වැඩසටහන්, හරිත ප්‍රතිසාධනය සහ කාලගුණික වෙනස්වීම් යන කරුණු සම්බන්ධයෙන්ද මෙහිදී සාකච්ඡාවට ලක් කර තිබෙනවා.
මෙරට විදුලිබල ක්ෂෙත්‍රයේ ප්‍රතිව්‍යුහගත කිරීමේ කටයුතු වෙනුවෙන් අමාත්‍යංශය තුළ ස්ථාපිත ප්‍රතිව්‍යුහගත කිරීමේ කාර්යංශය පවත්වාගෙන යාමට ජපාන ජාත්‍යන්තර සහයෝගිතා ඒජන්සිය මුල්‍ය ප්‍රදානයක් සිදුකර ඇති අතර විදුලිබල මණ්ඩලයේ ප්‍රතිව්‍යුහගත කිරීමේ කටයුතු වෙනුවෙන් අවශ්‍ය උපදේශනයන්ද ලබාදීම සිදුකළ බව සඳහන්.
