මෙරට කොවිඩ් දරුණු අතට. වෛද්‍යවරයෙකුත් මියයයි

කොව්ඩ් 19 ආසාදිතව කරාපිටිය ශික්ෂණ රෝහලේ දැඩි සත්කාර ඒකකයේ ප්‍රතිකාර ලබමින් සිටි වෛද්‍ය ගයාන් දන්තනාරායන මහතා ජීවිතක්ෂයට පත්ව තිබෙනවා.
රජයේ වෛද්‍ය නිලධාරීන්ගේ සංගමය පවසන්නේ අද (02) පෙරවරුවේ ඒ මහතා ජීවිතක්ෂයට පත්ව ඇති බවයි.
රාගම ශික්ෂණ රෝහලේ සේවයකරමින් සිටි ඒ මහතා මිය යන විට 31 හැවිරිදි වියේ පසුවුණා.
ඒ අනුව කොවිඩ් 19 වෛරසය ආසාදනය වීමෙන් මෙරට මියගිය පළමු වෛද්‍යවරයා ලෙස වාර්තා වන්නේ වෛද්‍ය ගයාන් දන්තනාරායන මහතායි.
නුගේගොඩ ලැයිසියම් ජාත්‍යාන්තර පාසලේ ආදි ශිෂ්‍යයෙකු වන ඒ මහතා චීනයේ ටියැංජින් වෛද්‍ය විද්‍යාලයෙන් වෛද්‍ය උපාධිය හදාරා මෙරටට පැමිණියා.
රාගම ශික්ෂණ රෝහලේ සේවය කරමින් සිටියදී කොවිඩ් 19 ආසාදනය වී ඇති බවට හදුනා ගැනීමෙන් අනතුරුව ඔහුව ප්‍රතිකාර සදහා IDH රෝහලට යොමුකර තිබෙනවා.
කලක පටන් දියවැඩියා රෝගයෙන් පීඩාවිදිමින් සිටි ඔහු කොරෝනා නිව්මෝනියා තත්ත්වය හේතුවෙන් පෙනහළු ආබාධයකටද ලක්වුණා.
පසුව මෙරට එකම එක්මෝ යන්ත්‍රයක් පමණක් ඇති කරාපිටිය ශික්ෂණ රෝහලට දන්තනාරායන මහතා ඇතුළත් කර ප්‍රතිකාර සදහා යොමුකර තිබුණා.
වෛද්‍ය ගයාන් දන්තනාරායන මහතාගේ පවුලේ සාමාජිකයන් කිහිප දෙනෙක්ද මේ වන විට කොවිඩ් 19 ආසාදිතව ප්‍රතිකාර ලබමින් සිටිනවා.