‘ගාල්ලේ රත්තරන්’ ලෙස ප්‍රසිද්ධියට පත්ව ඇති ක්‍රිෂාන්ත පුෂ්පකුමාර හට ආචාර්ය උපාධියක් පිරිනමා ඇති බවට News19 වෙත තොරතුරු වාර්තා වුණා.
ඒ අනුව ඔහුට ගුප්ත විද්‍යාව පිළිබදව ආචාර්ය උපාධියක් ලැබී ඇති අතර එම උපාධිය ඇමරිකාවේ Commonwealth Peace University නමැති ආයතනයක් මගින් ලබාදී තිබෙනව බව ක්‍රිෂාන්ත පුෂ්පකුමාර පවසනවා.
මේ වන විට ශ්‍රී ලංකා පොදුජන පෙරමුණේ සාමාජිකයෙකු වන ඔහු මීට පෙර එ
අදාළ ආචාර්ය උපාධිය පිළිබදව අප කළ සොයාබැලීමේදී වාර්තාවූයේ එම ආයතනය මුදලට ආචාර්ය උපාධි ලබාදෙන ආයතනයක් බවයි.
ශ්‍රී ලංකා මුදලින් රුපියල් තුන්ලක්ෂ අනූදහසක (රුපියල් 390,000) මුදලක් මේ සඳහා අයකර ගන්නා එම ආයතනය ශ්‍රී ලංකාවේ හෝටලයකදී අදාළ උපාධි ප්‍රදානෝත්සවය පවත්වනවා.
එහි මීළඟ උපාධි ප්‍රදානෝත්සවය නොවැම්බර් 26 වනදා කොළඹ ටාජ් සමුද්‍රා හෝටලයේදී පැවැත්වීමට නියමිතයි.
Commonwealth යනු බ්‍රිතාන්‍ය අධිරාජ්‍යයෙන් නිදහස ලැබූ රටවල්වල එකතුවකින් පසුකාලීනව සෑදූ ජාත්‍යන්තර සංවිධානයක් වන පොදුරාජ්‍ය මණ්ඩල යයි.
පොදුරාජ්‍ය මණ්ඩලයට ඇමරිකා එක්සත් ජනපදය අයත්වන්නේ නැහැ.
‘ගාල්ලේ රත්තරන්’ හෙවත් ජගත් පුෂ්පකුමාර යනු ගාල්ල දිස්ත්‍රික්කයේ ප්‍රසිද්ධ කට්ටඩියෙකු වන අතර ඔහුට ඔහුගේ දේවාලය තුළදීම බාලවයස්කාර දැරියක් අපයෝජනය කිරීම සම්බන්ධයෙන් චෝදනා එල්ලවූ පුද්ගලයෙක් වනවා.
මීට අදාළව 2019 වසරේ පෙබරවාරි මස 28 වනදා ඔහුව අත්අඩංගුවට ගත්තද එදිනම ඔහුට ඇප නියම වුණා.
ඉන් අනතුරුව චීන ජාතික කාන්තාවක් දුෂණය කිරීමේ චෝදනාවට ක්‍රිෂාන්ත පුෂ්පකුමාර හෙවත් රත්තරන් සහ ඔහුගේ රියදුරා වන විතානගේ කැලුම් සමීර හෙවත් ‘සුදා’ ගාල්ල පොලිසිය විසින් අත්අඩංගුවට ගත්තා.
පසුව ඔහුව ගාල්ල මහේස්ත්‍රාත් අධිකරණයට ඉදිරිපත් කළද එදිනම ඇප ලබා නිදහස වූවා.
එක්සත් ජාතික පක්ෂයෙන් තරඟ වැද දකුණු පළාත් සභාවේ පළාත් සභා මන්ත්‍රීවරයෙකු ලෙස කටයුතු කළ ඔහු පසුව 2014 වසරේදී ශ්‍රී ලංකා නිදහස් පක්ෂය හා එක්වුණා.
අනතුරුව ඔහු ශ්‍රී ලංකා පොදුජන පෙරමුණට එක්වී දේශපාලන කටයුතුවල නිරත වුණා.
