මාතර ඉන්ධන පිරවුම්හලක් ඉදිරිපිටට බල්ලෙක් අත්බෝම්බයක් ගෙනත් දමලා (වීඩියෝ)

මාතර කැකණදුර ඉන්ධන පිරවුම්හලක් ඉදිරිපිට තිබී අත්බෝම්බයක් හමුවී තිබෙනවා.
අද (05) පෙරවරුවේ පොලිස් හදිසි ඇමතුම් අංශයට ලද තොරතුරක් අනුව මෙය සොයා ගැණුනා.
යුධහමුදා බෝම්බ නිෂ්ක්‍රීය අංශය විසින් ආරක්ෂිතව මෙම අත්බෝම්බය ඉවත් කර වැඩිදුර පරීක්ෂණ සඳහා මාතර පොලීසියට බාරදී තිබෙනවා.
ඉන්දන පිරවුම් හලෙහි ආරක්ෂිත කැමරා දර්ශන පරීක්ෂා කිරීමේදී අනාවරණය වී ඇත්තේ එම ඉන්ධන පිරවුම් හල අවට ගැවසෙන සුනඛයන් පිරිසකගෙන් එක් සුනඛයෙක් අදාල අත්බෝම්බය රැගෙන ආ බවයි.