පන්නිපිටිය මහල්වරාව ප්රදේශයේ හඳුන්කූරු නිෂ්පාදන ආයතනයක් හා ඇඟලුම් කම්හලක් පවත්වාගෙන යන ස්ථානයක ගින්නක් හටගෙන ඇති බව මහරගම පොලිසිය පවසනවා.
පොලිසිය පවසන්නේ, පෙරවරු 7 ට පමණ මෙම ගින්න හටගෙන ඇති බවයි.
ගින්නෙන් කිසිවකුටත් හානියක් සිදුව නොමැති අතර, ඇඟලුම් කම්හලෙහි ගබඩා කර තිබූ ලක්ෂ ගණනක් වටිනා ඇඟලුම් ගිනිගෙන විනාශ වී ඇති බවත් හඳුන්කූරු නිෂ්පාදන ආයතනය දෙසට ගින්න පැතිර නොතිබූ බවක් පොලිසිය පවසනවා.
ගින්න හට ගැනීමත් සමග කෝට්ටේ ගිනි නිවන දෙපාර්තමේන්තුවේ ගිනි නිවන රථ 02ක්, ජල බවුසර් 3ක් මේ වන විට ගින්න මැඩපැවැත්වීම සඳහා පැමිණ තිබෙනවා.