දකුණු කොරියාවේ මහල් පහක ගොඩනැගිල්ලක් බස් රථයක් මතට කඩා වැටීමෙන් පුද්ගලයින් 9 දෙනෙකු මියගොස් තිබෙනවා.
ග්වාංජු ප්‍රදේශයේදී සිදුවූ මෙම අනතුරෙන් පුද්ගලයින් අට දෙනෙකු තුවාල ලබා ඇති බවයි වාර්තා වෙන්නේ.
පුද්ගලයින් 17 දෙනෙකු රැගත් බස් රිය පහළ වීථියක නතර කර තිබියදී මෙසේ අනතුරට ලක් වුණා.
ගොඩනැගිල්ල කඩාවැටීමට හේතුව තවමත් බලධාරීන් විසින් පැහැදිලි කර නැහැ.මේ අතර සිරවී සිටින දිවි ගලවා ගත් අය සෙවීමේ උත්සාහයන් ද ක්‍රියාත්මකයි.
ගොඩනැගිල්ල කඩා වැටීමට පෙර එම ස්ථානයේ සිටි සියලුම සේවකයින් ඉවත් කර ඇති බව ගිනි නිවීමේ නිලධාරි කිම් සියොක්-සන් රූපවාහිනී සාකච්ඡාවක දී පැවසුවා.
සමාජ මාධ්‍ය ඔස්සේ සංසරණය වන වීඩියෝ පටවල දිස්වෙන ආකාරයට ගොඩනැගිල්ල කෙළින්ම කඩා වැටී ඇත්තේ මෙම බස් රථය මතටයි .
