ඉන්දියානු රජයේ ණය ආධාර යටතේ, දියවන්නාව කේන්ද්ර කරගනිමින් ශ්රී ලංකාවේ පළමු පාවෙන සූර්ය විදුලි බලාගාරය ඉදිකිරීමට සැලසුම් කර තිබේ.
පාර්ලිමේන්තු පරිශ්රයේ දෛනික විදුලි අවශ්යතාවය සපුරාගත හැකි වන පරිදි ඉදිකිරීමට යෝජිත එම පාවෙන සූර්ය විදුලි බලාගාරය, මෙගාවොට් 1.5 ක ධාරිතාවෙයකින් යුක්තය.
මේ වනවිට මෙහි මූලික ශක්යතා අධ්යයන කටයුතු සිදු කෙරෙමින් පවතියි.
පාවෙන සූර්ය විදුලිබලාගාර සංකල්පය පිළිබඳව පාර්ලිමේන්තුවෙන් සමස්ත රටටම පූර්වාදර්ශයක් ලබාදෙන බවයි විදුලිබල අමාත්ය ඩලස් අලහප්පෙරුම මහතා පවසන්නේ.
මෙහි දෙවන අදියර වෙනුවෙන් මහවැලි අධිකාරිය විසින් මේ වනවිට ජලාශයන් කිහිපයක් නම්කර ඇති අතර ලංකා විදුලිබල මණ්ඩලය විසින් අදාළ ජලාශයන් කේන්ද්ර කරගනිමින් ශක්යතා අධ්යයනයන් සිදුකිරීමට නියමිතයි.
මෙහිදී උපරිම ධාරිතාවක් ලබාගත හැකි ජලාශයන් තෝරා ගැනීමට ලංකා විදුලිබල මණ්ඩලය විසින් ක්රියාකරනු ඇත අතර අවම ධාරිතාවය මෙගාවොට් 100 ක් වියයුතු බවට මේ වනවිට යෝජනා වී තිබේ.