කළුතර උතුර සමඟිපුර ප්‍රදේශයේ ඇඟලුම් කර්මාන්ත ශාලාවක මුද්‍රණ යන්ත්‍රයකට හසුවීමෙන් එම කර්මාන්ත ශාලාවේ සේවකයෙකු ඊයේ (03) මියගොස් තිබෙනවා.
මෙලෙස මියගොස් ඇත්තේ අවුරුදු 22ක කටුවන මිද්දෙණිය ප්‍රදේශයේ පදිංචිකරුවෙකි.
ඔහු එම කර්මාන්ත ශාලාවේ රෙදි මත මුද්‍රණය කිරීමේ යන්ත්‍රයක ක්‍රියාකරු ලෙස සිටියදී මෙම හදිසි අනතුරට මුහුණ දී තිබෙනවා.
සිද්ධිය සම්බන්ධයෙන් කළුතර උතුර පොලිසිය වැඩිදුර පරීක්ෂණ සිදු කරනු ලබනවා.
