යළිත් රට පුර ලිට්‍රෝ ගෑස් හිඟයක් නිර්මාණය වී ඇති බව වාර්තා වනවා.
පාරිභෝගිකයන් පෙන්වා දෙන්නේ මේ හේතුවෙන් දින කිහිපයක් ගෑස් ලබා ගැනීම වෙනුවෙන් රස්තියාදු විය යුතු බවයි.
ගෑස් අලෙවි නියෝජිතයින්ට දිනපතා තොග ලැබුණත් එම තොග ප්‍රමාණවත් නොවන බවයි ඔවුන් පවසන්නේ.
ඒ හේතුවෙන් ගෑස් මිලදී ගැනීමට නැවතත් පෝලිම්වල රැඳී සිටීමට සිදුව ඇති බවයි පාරිභෝගිකයන් කියා සිටින්නේ.
පාරිභෝගිකයන් වැඩිදුරටත් පෙන්වා දෙන්නේ කටුනායක, පානදුර, මහර, බත්තරමුල්ල ආදී බොහෝ ප්‍රදේශවල ප්‍රමාණවත් තොග නොලැබෙන බවත් ඇතැම් ප්‍රදේශවලට දින කිහිපයකට වරක් තොග ලැබෙන බවයි.
