ඕස්ට්‍රේලියාව පරාජයකරමින් ශ්‍රී ලංකා බැඩ්මින්ටන් කණ්ඩායමට විශිෂ්ඨ ජයක්

එංගලන්තයේ Birmingham හි පැවැත්වෙන 2022 පොදුරාජ්‍ය මණ්ඩලීය ක්‍රීඩා උළෙලේ බැඩ්මින්ටන් මිශ්‍ර කණ්ඩායම් (A කාණ්ඩය) යටතේ ඕස්ට්‍රේලියාව සමග පැවති තරගය තරග වට 3 – 2 ක් ලෙස ජයගැනීමට ශ්‍රී ලංකා කණ්ඩායම සමත් වුණා.

තරගයේ ලකුණු සටහන දැක්වුණේ පහත පරිදියි.

මිශ්‍ර යුගල තරගයේ දී සචින් ඩයස් සහ තිළිණි හෙන්දහේවා ඕස්ට්‍රේලියානු යුගලය තරග වට 2-0ක් (21-18 සහ 21-14) ලෙස පරාජය කෙරුවා.

පිරිමි ඒකල තරගයේ දී නිලූක කරුණාරත්න ඕස්ට්‍රේලියානු ක්‍රීඩකයා තරග වට 2-0ක් (21-18 සහ 21-12) ලෙස පරාජය කෙරුවා.

කාන්තා ඒකල තරගයේ දී ශ්‍රී ලංකා ක්‍රීඩිකා විදාරා විදානගේ ඕස්ට්‍රේලියානු ක්‍රීඩිකාව හමුවේ තරග වට 2-0ක් ලෙස පරාජය වුණා.

පිරිමි යුගල තරගයේ දී නිලූක කරුණාරත්න සහ සචින් ඩයස් ඕස්ට්‍රේලියානු ක්‍රීඩක යුගලය තරග වට 2-0ක (21-16 / 21-14) පරාජය කෙරුවා.

කාන්තා යුගල තරගය ඕස්ටේලියානු ක්‍රීඩිකාවන් දෙදෙනා හමුවේ තිළිණි හෙන්දහේවා සහ විදාරා විදානගේ පරාජයට පත්වුණේ තරග වට 2 – 0ක් ලෙසින්.