ශ්‍රී ලංකාව, ඔස්ට්‍රේලියාව සහ එංගලන්තය අතර වයස අවුරුදු 19න් පහළ කාන්තා ක්‍රිකට් කණ්ඩායම් සහභාගී වෙන තුන් කොන් විස්සයි විස්ස ක්‍රිකට් තරගාවලියේ අද පැවති ශ්‍රී ලංකාව හා එංගලන්තය අතර තරගයෙන් ලකුණු 108ක ජයක් වාර්තා කිරීමට ශ්‍රී ලංකා කණ්ඩායම සමත් වුණා.
ගාල්ල ජාත්‍යන්තර ක්‍රීඩාංගණයේ පැවති තරගයේ කාසියේ වාසිය දිනාගත් ශ්‍රී ලංකා ක්‍රීඩිකාවෝ පළමුවෙන් පන්දුවට පහර දීමට තීරණය කළා.
ශ්‍රී ලංකා කණ්ඩායම පන්දු වාර 48යි පන්දු 4කදී සියලු දෙනා දැවී ලකුණු 226ක් ලබාගත් අතර, පිළිතුරු ඉනිම හඹාගිය එංගලන්ත ක්‍රීඩිකාවෝ සියලු දෙනා දැවී රැස් කර ගත හැකි වූයේ ලකුණු 118ක් පමණයි.
මෙම තරඟයේ කාගෙත් අවධානයට ලක් වූ අවස්ථාවක් වූයේ, ශ්‍රී ලංකා කණ්ඩායම නියෝජනය කරමින් තරග වැදුණු 14 හැවිරිදි චමොදි මුණසිංහ මෙම තරගයේ දී ලකුණූ 42කට කඩුළු 5ක් දවා ගැනීමයි.
ශ්‍රී ලංකා කණ්ඩායම වෙනුවෙන් රෂ්මිකා සෙව්වන්දි පන්දු 58ට ලකුණු 59ක් ලබා ගත් අතර, සංජනා කාවින්දි පන්දු 50ට ලකුණු 27ක් ලබා ගනීමට සමත් වුණා.
පිළිතුරු ඉනිම ක්‍රීඩා කිරීමට පිටියට පිවිසි එංගලන්ත කන්ඩායම සියළු දෙනා දැවී රැස් කර ගත හැකි වූයේ ලකුණු 118ක් පමණයි.
එංගලන්ත කණ්ඩායම වෙනුවෙන් Jodi Grewcock පන්දු 24කදී ලකුණු 26ක් රැස් කළ අතර, Amu Surenkumar පන්දු 26කදී ලකුණු 25ක් රැස් කළා.
දෙව්මි විහගා ලකුණු 43ට කඩුළු 4ක් දවා ගැනීමට සමත් වුණා.
