2023 ආසියානු තරගාවලියේ සුපිරි 4 දෙනාගේ වටයේ අවසාන තරගය ශ්‍රී ලංකා කණ්ඩායම හා පාකිස්ථානු කණ්ඩායම අතර තරගය අද (14) පස්වරුවේ ආර්. ප්‍රේමදාස පිටියේදී ආරම්භ වුණා.
අද තරගයේ කාසියේ වාසිය දිනා ගැනීමට පාකිස්ථානු නායක බාබර් අසාම් සමත්වු අතර පළමුව පන්දුවට පහර දීමට තීරණය කළා.
වර්ෂාව නිසා අද තරගය පන්දුවාර 45කට සීමා කර තිබෙනවා.
ශ්‍රී ලංකා කණ්ඩායමට එරෙහිව ප්‍රථමයෙන් පන්දුවට පහරදුන් පාකිස්තානය නියමිත පන්දුවාර 42 අවසානයේ කඩුලු 7ක් දැවී ලකුණු 252ක් ලබා ගත්තා.
එහිදී අගනා පිතිහරඹයක නියැලුණු Mohammad Rizwan ලකුණු 86කින් පාකිස්තාන ලකුණු පුවරුව ශක්තිමත් කළා.
ඔහුගේ ඉනිමට හයේ පහර 2ක් සහ හතරේ පහර 6ක් ඇතුළත් විය.
පාකිස්තානය වෙනුවෙන් හයේ පහර 2ක් සහ හතරේ පහර 3ක් සමග පන්දු 69කදී ලකුණු 52ක් රැස්කරගැනීමට Abdullah Shafique සමත්විය.
පන්දු යැවීමේදී මතීෂ පතිරණ ලකුණු 65කට කඩුලු 3ක් දවාගැනීමට සමත්වුණා.
ප්‍රමෝද් මධුශාන් ලකුණු 58කට කඩුලු 2ක් දවාගත්තා.
ජයග්‍රහණය සඳහා ඩක්වත් ලූවිස් න්‍යායට අනුව ශ්‍රී ලංකා කණ්ඩායම පන්දුවාර 42කදී ලකුණු 253ක් රැස්කරගත යුතුයි.
