සිංහ කොල්ලන්ගෙන් එමීර්වරුන්ට දැවැන්ත ඉලක්කයක්

ලෝක කුසලාන එක්දින තරඟාවලියට සුදුසුකම් ලබා ගැනීමේ තරඟාවලියේ ශ්‍රී ලංකා කණ්ඩායම සහභාගී වන පළමු තරඟය මේ වන විට සිම්බාබ්වේ හි බුලවයෝ හිදී පැවැත්වෙනවා.

තරඟයේ කාසියේ වාසිය දිනාගත් එක්සත් අරාබි එමීර් කණ්ඩායමේ නායකයා පළමුව පන්දුවට පහරදීමට ශ්‍රී ලංකා කණ්ඩායමට ආරාධනා කළා.

ඒ අවසරයෙන් පිටියට පිවිසි ශ්‍රී ලංකා කණ්ඩායම පළමු කඩුල්ල වෙනුවෙන් ලකුණු 95ක සවිමත් සබඳතාවක් ගොඩනැගීමට දිමුත් කරුණාරත්න සහ පැතුම් නිශ්ශංක සමත් වුණා.

ශ්‍රී ලංකා කණ්ඩායමේ පළමු කඩුල්ල ලෙස දිමුත් කරුණාරත්න ලකුණු 57කට දැවී ගිය අතර ඔහුගේ ඉනිමට හතරේ පහර 7ක් ඇතුළත් වුණා.

පැතුම් නිශ්ශංක ලකුණු 52ක් ලබා ගැනීමට සමත් වුණා.

පන්දුවාර 26.1කදී ශ්‍රී ලංකා කණ්ඩායමේ කඩුළු දෙකක් බිඳ වැටි තිබු අතර ඉන් අනතුරුව පිටියට පිවිසි සධිර සමරවික්‍රම සහ කුසල් මෙන්ඩිස් තෙවන කඩුල්ලට ලකුණු 105ක ශතක සබඳතාවක් ගොඩ නැගුවා.

එහිදී සධිර සමරවික්‍රම ලකුණු 73ක් සහ කුසල් මෙන්ඩිස් ලකුණු 78ක් ලබා ගැනීමට සමත් වුණා.

ඉනිමේ අවසන් පන්දුවාර 10යේ ශ්‍රී ලංකා කණ්ඩායම සටන් කාමී ලෙස ක්‍රීඩා කළ අතර එහි අවසන් ප්‍රතිඵලය ලෙස පන්දුවාර 50 අවසානයේ කඩුලු 6කට ලකුණු 355ක් රැස් කළා.

සටන්කාමී ඉනිමක් ක්‍රීඩා කළ චරිත් අසලංක පන්දුවාර 23කදී ලකුණු 48ක් ලබාගත් අතර ඊට හතරේ පහර 5ක් සහ හයේ පහර 2ක් ඇතුළත්.

එක්සත් අරාබි එමීර් කණ්ඩායම වෙනුවෙන් Ali Naseer කඩුලු දෙකක් සහ Rohan Mustafa, Aayan Afzal Khan, Basil Hameed එක් කඩුල්ල බැඟින් දවා ගත්තා.

ඒ අනුව තරඟය ජය ගැනීමට නම් එක්සත් අරාබි එමීර් කණ්ඩායම පන්දුවාර 50ක් තුළදී ලකුණු 356ක් ලබාගත යුතු වනවා.